ମାଓ ଦମନ ଅଭିଯାନ: ଗୁଳିବିନିମୟରେ 2 ନକ୍ସଲ ନିପାତ

ଆନ୍ଧ୍ର- ଓଡିଶା ସୀମାରେ ଗୁଳିବିନିମୟରେ ସୋମବାର 2 ମାଓବାଦୀ ନିହତ ହୋଇଥିବା ଜଣାପଡିଛି । ବିଶାଖାପାଟନମ ଗୁମ୍ମିରେଭୁଲାର ଗୁଡେମ କୋଟା ଭିଦି ମଣ୍ଡଳ ଅଞ୍ଚଳରେ ଘଟଣା ଘଟିଛି ।

ହାଇଦ୍ରାବାଦ: ପୁଣିଥରେ ସୁରକ୍ଷାକର୍ମୀ ଓ ମାଓବାଦୀ ମୁହାଁମୁହିଁ । ଆନ୍ଧ୍ର- ଓଡିଶା ସୀମାରେ ଗୁଳିବିନିମୟରେ ସୋମବାର 2 ମାଓବାଦୀ ନିହତ ହୋଇଥିବା ଜଣାପଡିଛି । ବିଶାଖାପାଟନମ ଗୁମ୍ମିରେଭୁଲାର ଗୁଡେମ କୋଟା ଭିଦି ମଣ୍ଡଳ ଅଞ୍ଚଳରେ ଘଟଣା ଘଟିଛି । ପାଖାପାଖି 20 ମିନିଟ ଧରି ଏହି ଗୁଳିବିନିମୟ ଜାରି ରହିଥିଲା ।

ସୂଚନା ଅନୁସାରେ, ରବିବାର କୋତାବିଦି ଜଙ୍ଗଲରେ ଏନ୍ କାଉଣ୍ଟର ହୋଇଥିଲା । ଯାହାଫଳରେ ଗ୍ରେହାଉଣ୍ଡ ଯବାନଙ୍କ ଗୁଳିରେ 3 ମାଓବାଦୀ ନିହତ ହୋଇଥିଲେ । ଘଟଣାସ୍ଥଳରୁ ବିପୁଳ ବିସ୍ଫୋରକ ଜବତ ହୋଇଥିଲା ।

ରବିବାରର ଏନକାଉଣ୍ଟରରେ ତିନି ନକ୍ସଲଙ୍କ ମୃତଦେହ ଉଦ୍ଧାର କରିଥିଲା । ମୃତକ ହେଲେ ଅଜୟ, ବୁଦ୍ରି ଓ ବିମା । ସମସ୍ତେ ଛତିଶଗଡର ବୋଲି ଜଣାପଡିଛି ।