ନୂଆଦିଲ୍ଲୀ: ଜେଏନୟୁ ପରେ ଏବେ ଆଇଆଇଏମସିରେ ଫିସ୍ ବୃଦ୍ଧିକୁ ନେଇ ଛାତ୍ର ଅସନ୍ତୋଷ ଦେଖାଦେଇଛି । ହଷ୍ଟେଲ ଫିସ୍ ବୃଦ୍ଧି ଏବଂ ମେସ୍ ଚାର୍ଜ ବିରୋଧରେ ବୁଧବାର ଦିଲ୍ଲୀର ଇଣ୍ଡିଆନ୍ ଇଷ୍ଟିଟ୍ୟୁଟ ଅଫ୍ ମାଶ୍ କମ୍ୟୁନିକେଶନ(ଆଇଆଏମସି)ର ଛାତ୍ରଛାତ୍ରୀ କ୍ୟାମ୍ପସ ବାହାରେ ଆନ୍ଦୋଳନ କରିଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ
ଆନ୍ଦୋଳନକାରୀ ଛାତ୍ରଛାତ୍ରୀଙ୍କ କହିବା ଅନୁଯାୟୀ, ଛାତ୍ରୀଙ୍କ ପାଇଁ ହଷ୍ଟେଲ ଏବଂ ମେସ୍ ଫି 6500 ଥିବାବେଳେ ଛାତ୍ରଙ୍କୁ କେବଳ ଗୋଟିଏ ରୁମ୍ ପାଇଁ 5250 ଟଙ୍କା ଫି ଦେବାକୁ ପଡୁଛି । ସେହିପରି ଜଣେ ଛାତ୍ରଙ୍କ କହିବା ଅନୁଯାୟୀ, 10 ମାସର କୋର୍ସ ପାଇଁ ଏଠାରେ 95 ହଜାରରୁ ଉର୍ଦ୍ଧ୍ବ ଫି ନିଆଯାଉଛି । ଏହାଛଡା ଏହି ଫି କୁ ଛାଡି ହଷ୍ଟେଲ ଏବଂ ମେସ ପାଇଁ ଅଲଗା ଅଲଗା ଫିସ୍ ଦେବାକୁ ପଡୁଛି ।