ମୁମ୍ବାଇ: ଭାରତ-ତୁର୍କୀ ତିକ୍ତତା ମଧ୍ୟରେ ବଲିଉଡ ଅଭିନେତା ଆମିର ଖାନ ଏବଂ ତୁର୍କୀର ପ୍ରଥମ ମହିଳାଙ୍କ କିଛି ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଆମିର ଖାନ ନିଜ ଫିଲ୍ମ ଲାଲ ସିଂହ ଚଡ୍ଡାର ଶୁଟିଂ ସମୟରେ ତୁର୍କୀ ପହଞ୍ଚିଥିଲେ । ଏହି ସମୟରେ ସେ ତୁର୍କୀର ପ୍ରଥମ ମହିଳାଙ୍କୁ ଭେଟିଥିଲେ ବୋଲି ଚର୍ଚ୍ଚା ହେଉଛି । ତେବେ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ଆମିର ଖାନ ଟ୍ରୋଲର୍ସଙ୍କ ଟାର୍ଗେଟରେ ଆସିଛନ୍ତି । ଟ୍ବିଟରରେ #Amirkhan ଟ୍ରେଣ୍ଡ କରିବାରେ ଲାଗିଛି । ଏପରିକି ଟ୍ବିଟର ୟୁଜର୍ସର ଅଭିନେତାଙ୍କୁ ବୟକଟ କରିବାକୁ ଦାବି କରୁଛନ୍ତି ।
ଏହି ଫଟୋକୁ ସେୟାର କରି ଜଣେ ଟ୍ବିଟର ୟୁଜର୍ସର ଲେଖିଛନ୍ତି, ଆମିର ଖାନ ଭାରତରେ ସୁରକ୍ଷିତ ଅନୁଭବ କରୁନାହାନ୍ତି । ସେ ଭାରତ ବିରୋଧୀ ତୁର୍କୀରେ ସୁରକ୍ଷିତ ଅନୁଭବ କରୁଛନ୍ତି । ତାଙ୍କ ଫିଲ୍ମ ରିଲିଜ ସମୟରେ ଏହି ଫଟୋକୁ ମନେ ରଖନ୍ତୁ । ଆମ ଟଙ୍କାକୁ ଆମ ବିରୋଧରେ ବ୍ୟବହାର ହେବାକୁ ଦିଅନ୍ତୁ ନାହିଁ ବୋଲି ସେ ଲେଖିଛନ୍ତି ।
ସେହିପରି ଆଉ ଜଣେ ଟ୍ବିଟର ୟୁଜର୍ସ କହିଛନ୍ତି, ଆମିର ଖାନ ତୁର୍କୀର ପ୍ରଥମ ମହିଳାଙ୍କୁ ଭେଟିଛନ୍ତି । ତାଙ୍କ ପତ୍ନୀ କହୁଛନ୍ତି ସେ ଭାରତରେ ସୁରକ୍ଷିତ ନୁହନ୍ତି । ଦେଶରେ ମୁସଲମାନ ଖୁସୀ ନାହାନ୍ତି ବୋଲି ସେ କହୁଛନ୍ତି । ଆମିର ଖାନଙ୍କୁ ଲଜ୍ଜା ଅନୁଭବ କରିବା ଉଚିତ ବୋଲି ସେ କହିଛନ୍ତି ।