ଦଳରୁ ବିଦା ହେଲେ ଆପର ବିଦ୍ରୋହୀ ବିଧାୟକ କପିଲ ମିଶ୍ର

ଆପର ବିଦ୍ରୋହୀ ବିଧାୟକ କପିଲ ମିଶ୍ରଙ୍କୁ ଶୁକ୍ରବାର ଦଳରୁ ବହିଷ୍କାର କରିବା ସହ ତାଙ୍କ ସଦସ୍ୟତା ରଦ୍ଦ କରାଯାଇଛି ।

ନୂଆଦିଲ୍ଲୀ: ଦିଲ୍ଲୀର ଶାସକ ଦଳ ଆମ ଆଦମି ପାର୍ଟିର ବିଦ୍ରୋହୀ ବିଧାୟକ କପିଲ ମିଶ୍ରଙ୍କୁ ଦଳରୁ ବିଦା କରାଯାଇଛି । ଦିଲ୍ଲୀ ବିଧାନସଭା ବାଚସ୍ପତି ରାମନିବାସ ଗୋୟଲ ତାଙ୍କୁ ଦଳ ବିରୋଧୀ ଗତିବିଧି ପାଇଁ ଶୁକ୍ରବାର ଦଳରୁ ବହିଷ୍କାର କରିବା ସହ ତାଙ୍କ ସଦସ୍ୟତା ରଦ୍ଦ କରିଛନ୍ତି ।

ଦିଲ୍ଲୀ ସରକାରରେ କ୍ୟାବିନେଟ ମନ୍ତ୍ରୀ ଥିବା କପିଲ ଲଗାତାର ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ବିରୋଧରେ ମୋର୍ଚ୍ଚା ଖୋଲିଥିଲେ ଏବଂ ତାଙ୍କ ବିରୋଧରେ ଅନେକ ଅନିୟମିତତାର ଅଭିଯୋଗ ଆଣିଥିଲେ । ଏହା ବ୍ୟତିତ 2019 ଲୋକସଭା ନିର୍ବାଚନ ସମୟରେ କପିଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସପକ୍ଷରେ ପ୍ରଚାର କରିଥିବା ଅଭିଯୋଗ ହୋଇଥିଲା ।