ଡେରାଡୁନ୍: କେଦାରନାଥ ମନ୍ଦିରରେ ଜଣେ ବୟସ୍କା ମହିଳାଙ୍କୁ ହାର୍ଟ ଆଟାକ୍ ଆସିବାରୁ ତାଙ୍କର ମୃତ୍ୟୁ ହୋଇ ଯାଇଛି ।
କେଦାରନାଥ ଧାମରେ ମହିଳାଙ୍କୁ ହାର୍ଟ ଆଟାକ୍, ଏଯାଏଁ 8ଜଣଙ୍କ ମୃତ୍ୟୁ
ବାବା କେଦାରନାଥଙ୍କ ଦର୍ଶନ ପାଇଁ ଆସିଥିବା 65 ବର୍ଷୀୟ ମହିଳାଙ୍କ ହାର୍ଟ ଆଟାକ୍ରେ ମୃତ୍ୟୁ । ମହିଳା ଜଣକ ମଧ୍ୟପ୍ରଦେଶର ବାସିନ୍ଦା । ତେବେ ଏଯାଏଁ ଚାରିଧାମର ଯାତ୍ରା ପାଇଁ ଆସିଥିବା ତୀର୍ଥଯାତ୍ରୀଙ୍କର ମୃତ୍ୟୁ ସଂଖ୍ୟା 8କୁ ଛୁଇଁଲାଣି ।
ଫଟୋ ସୌଜନ୍ଯ: ଇଟିଭି ଭାରତ ବ୍ୟୁରୋ
ସୂଚନାଥାଉକି, 65 ବର୍ଷୀୟ ପ୍ରେମଲତା ଅସୁସ୍ଥ ଅନୁଭବ କରିଥିଲେ । ତୁରନ୍ତ ଏସ୍ଡିଆରଏଫ୍ ଯବାନ ମହିଳାଙ୍କୁ ଡାକ୍ତରଖାନା ନେଇଥିଲେ । କିନ୍ତୁ ଡାକ୍ତରଖାନା ପହଞ୍ଚିବା ପୂର୍ବରୁ ମହିଳା ଜଣଙ୍କ ମୃତ୍ୟୁ ହୋଇ ଯାଇଥିଲା । ତେବେ ମହିଳା ଜଣକ ମଧ୍ୟ ପ୍ରଦେଶର ବୋଲି ସୂଚନା ମିଳିଛି । ଏଥିସହ ମୃତକଙ୍କ ପରିବାରବର୍ଗଙ୍କୁ ପୋଲିସ୍ ସୂଚନା ଦେଇଛି ।
ଶନିବାର ଦିନ ଆହୁରୀ 2ଜଣଙ୍କ ମୃତ୍ୟୁ ହୋଇଥିବା ଖବର ମିଳିଛି । ମୃତକମାନେ ହେଲେ ନୂଆ ଦିଲ୍ଲୀର ତ୍ରିଲୋକ କୋହଲି (75ବର୍ଷ) ଓ ରାଜସ୍ଥାନର ଗୋପାଲ(71ବର୍ଷ) । ସୂଚନାମୁତାବକ, ଚଳିତବର୍ଷ ଚାରିଧାମ ଯାତ୍ରା ପାଇଁ ଆସିଥିବା ତୀର୍ଥଯାତ୍ରୀଙ୍କ ମଧ୍ୟରୁ 8ଜଣଙ୍କ ମୃତ୍ୟୁ ହୋଇଛି ।