ବେଙ୍ଗାଲୁରୁ: କର୍ଣ୍ଣାଟକରେ ସଡକ ଦୁର୍ଘଟଣା । ଆନ୍ଧ୍ରପ୍ରଦେଶର ସ୍କୁଲ ଛାତ୍ରଛାତ୍ରୀଙ୍କୁ ନେଇ ଯାଉଥିବା ଏକ ଟୁରିଷ୍ଟ ବସ କର୍ଣ୍ଣାଟକର ଜେରୁସପ୍ପା ନିକଟରେ ଥିବା ଏକ କେନାଲକୁ ଖସିପଡିଛି । ଫଳରେ ଜଣେ ଛାତ୍ରର ମୃତ୍ୟୁ ହୋଇଥିବାବେଳେ 14 ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ମୃତ ଛାତ୍ର ଜଣକ ହେଲେ14 ବର୍ଷର ଟି ଭାଷା ଫକରୁଦ୍ଦୀନ । ଗୁରୁତର ଛାତ୍ର ଓ ଶିକ୍ଷକଙ୍କୁ ମନିପାଲ, ଉଡୁପି ଓ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଦୁର୍ଘଟଣା ଶୁକ୍ରବାର ରାତିରେ ହୋନ୍ନାବର ତାଲୁକାର ଗେରୁସୋପାର ସୋଲେମାର୍କି କ୍ରସ ନିକଟରେ ହୋଇଛି ।
ଆନ୍ଧ୍ରପ୍ରଦେଶ ଅନନ୍ତପୁରା ଜିଲ୍ଲାର ସରକାରୀ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀ କର୍ଣ୍ଣାଟକର ସିଗନାଦୁରୁ, ଜୋଗ ଫଲସ ଓ ମୁରୁଦେଶ୍ବର ଆଦି ସ୍ଥାନକୁ ବୁଲିବାକୁ ଆସିଥିଲେ । ବସରେ ସମୁଦାୟ 44 ଜଣ ଛାତ୍ରଛାତ୍ରୀ, 9 ଜଣ ଶିକ୍ଷକ ଶିକ୍ଷୟିତ୍ରୀ ଓ 4 ଜଣ ରୋଷେୟା ଥିଲେ ।