ନୂଆଦିଲ୍ଲୀ: ଲକ-ଡାଉନ ଅବଧି ପରବର୍ତ୍ତୀ ସମୟ ପାଇଁ ରେଳବାଇ ଟିକେଟ ସଂରକ୍ଷଣ ଆରମ୍ଭ କରିଥିବା ବିଭିନ୍ନ ଗଣମାଧ୍ୟମରେ ପ୍ରକାଶ ପାଉଛି । ଏହି ଖବର ଭୂଲ ବୋଲି ରେଳବାଇ ପ୍ରକାଶ କରିଛି । 14 ଏପ୍ରିଲ ପରବର୍ତ୍ତୀ ସମୟ ପାଇଁ ଟିକେଟ ସଂରକ୍ଷଣ କେବେ ବନ୍ଦ ହୋଇ ନଥିଲା କି ଏହା ପାଇଁ କୌଣସି ଘୋଷଣା କରାଯାଇ ନାହିଁ ବୋଲି ରେଳ ମନ୍ତ୍ରଣାଳୟ ସୂଚନା ଦେଇଛି ।
ସୂଚନାଯୋଗ୍ୟ, ଦେଶରେ କୋରୋନା ଆତଙ୍କ ପାଇଁ ରେଳବାଇ ନିଜର ସମସ୍ତ ସେବାକୁ ବନ୍ଦ ରଖିଛି । କେବଳ ଅତ୍ୟାବଶ୍ୟକ ଦ୍ରବ୍ୟ ପରିବହନ ପାଇଁ ପାର୍ସଲ ଟ୍ରେନ ଚଳାଚଳ କରୁଥିବା ଦେଖିବାକୁ ମିଳିଛି । ଏହି କ୍ରମରେ ଜରୁରୀକାଳୀନ ସେବା ଛାଡି ଅନ୍ୟ ସମସ୍ତ ପ୍ରକାର ସଡକ ଓ ଆକାଶ ପରିବହନକୁ ବାତିଲ କରାଯାଇଛି ।