ଆହ୍ଲାବାଦ୍: ସନ୍ତାନଙ୍କ ଜିଦକୁ ଯେପରି ପିତା ମାତା ପୂରଣ କରିଥାନ୍ତି, ସେମିତି ସନ୍ତାନ ସନ୍ତତି ପିତାମାତାଙ୍କ ଖୁସି ପାଇଁ ବହୁତ କିଛି ଜଳାଞ୍ଜଳି ଦେବାକୁ ଆଗେଇ ଆସନ୍ତି। ଯାହାର ଏକ ନିଚ୍ଛକ ଉଦାହରଣ ଦେଖିବାକୁ ମିଳିଛି ଆହ୍ଲାବାଦର ପ୍ରୟାଗରାଜର ଗୁରୁପୁରରେ।
ବାହାଘର ସମସ୍ତଙ୍କ ଜୀବନର ଏକ ଅଭୁଲା ଓ ସ୍ବତନ୍ତ୍ର ଦିନ। ହେଲେ ଏ କେମିତିକା ବାହାଘର। ବେଦୀ ବନ୍ଧା ସରିଛି, ବାଜା ବାଜୁଛି, ବାଣ ଫୁଟୁଛି ଓ ବର ପିତା ଉପସ୍ଥିତି ଅଛନ୍ତି, ବନ୍ଧୁ ବାନ୍ଧବ ସାହି ପଡିଶା ସମସ୍ତେ ରହିଛନ୍ତି। ହେଲେ ବରପାତ୍ର ପାଇଁ ଏଠି ସୁନାନାଖୀ କନିଆଁ ନାହିଁ।
ଆଗରୁ ଆପଣ ଅନେକ ବିବାହ ଦେଖିଥିବେ, ଝିଅ ପୁଅ ବାହାଘର, ଝିଅ ଝିଅ ବିବାହ, କୁକୁର ସହ ବିବାହ। ହେଲେ ଏହି ନିଆରା ବିବାହରେ କେହି ନାହାଁନ୍ତି। ଏକ ପୁତ୍ତଳିକା ସହ ବିବାହ କରୁଛି ବର। ଏହା ପୁଣି ସେ ନିଜର ପିତାଙ୍କ ଇଚ୍ଛା ରକ୍ଷା କରି କରିଛି।
"ମୋର 9 ପୁଅ ଅଛନ୍ତି, ଯେଉଁମାନଙ୍କ ମଧ୍ୟରୁ 8 ଜଣ ବିବାହ କରିସାରିଛନ୍ତି। ମୋର ନବମ ପୁଅର କୌଣସି ସମ୍ପତ୍ତି ନାହିଁ ଏବଂ ସେ ବୁଦ୍ଧିମାନ ନୁହେଁ, ତେଣୁ ମୁଁ ତାଙ୍କୁ ଏକ ପୁତ୍ତଳିକା ସହ ତାର ବିବାହ କରାଇଛି''। ବୋଲି ବର ପିତା କହିଛନ୍ତି। ଏହି ବିବାହକୁ ନେଇ ପ୍ରୟାଗରାଜର ଗୁରୁପୁର ଉକ୍ତ ଅଞ୍ଚଳରେ ଚର୍ଚ୍ଚା ଆରମ୍ଭ ହୋଇଛି। ସୌଜନ୍ୟ: ANI