ବନ୍ଧୁକ ଧରି ଯୁବକଙ୍କ ଖୁଲମଖୁଲ୍ଲା ଡାନ୍ସ , ଭିଡିଓ ଭାଇରାଲ

ଏକ ବିବାହ ସମାରୋହରେ ହାତରେ ବନ୍ଧୁକ ଧରି ଯୁବକମାନଙ୍କ ଡାନ୍ସ । ଏପରି ଏକ ବିହାରର ଭିଡିଓ ସାମ୍ନାକୁ ଆସିଛି ।

ପାଟନା: ଏକ ବିବାହ ସମାରୋହରେ କିଛି ଯୁବକ ହାତରେ ପିସ୍ତଲ ଧରି ନାଚୁଥିବା ଦୃଶ୍ୟ ଦେଖିବାକୁ ମିଳୁଛି । ସେହି ଭିଡିଓଟି ହେଲା ବିହାରର ମୁଜଫରପୁରର ।

ସୂଚନାମୁତାବକ, ଏହି ମାମଲା ମୁଜଫରପୁରର ଅହିୟାପୁରର । 28 ନଭେମ୍ବରରେ ଏକ ବିବାହ ସମାରୋହର ଦୃଶ୍ୟ । ଏହି ଭିଡିଓରେ 4ରୁ5ଜଣ ଯୁବକ ହାତରେ ପିସ୍ତଲ ଧରି ଖୋଲାଖୋଲି ଭାବେ ଏକ ବଲିଉଡ ଗୀତରେ ନାଚୁଛନ୍ତି ।

ତେବେ ସେହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବା ପରେ ପୋଲିସ ଏହି ମାମଲାର ଯାଞ୍ଚ କରୁଛି । ଡିଏସପି ରାମ ନରେଶ ପାଶଓ୍ବାନ କହିଛନ୍ତି ଯେ, ଆମେ ମାନେ ଏହି ଭିଡିଓ ପ୍ରଥମେ ଦେଖିବୁ । ଏହାପରେ ଏହାର ତଦନ୍ତ ଆରମ୍ଭ କରି କାର୍ଯ୍ୟାନୁଷ୍ଠାନ ଗ୍ରହଣ କରିବୁ ।