ମାଛର ଦାମ 15 ହଜାର ଟଙ୍କା!

ପଡୋଶୀ ପଶ୍ଚିମବଙ୍ଗର ହାୱାଡା ଜିଲ୍ଲାର ଉଲୁବେରିଆ ଅଞ୍ଚଳରୁ ଧରାଯାଇଥିବା ଏକ ବୃହତ ମାଛକୁ 15 ହଜାର ଟଙ୍କାରେ ବିକ୍ରି କରାଯାଇଛି। ଏହି ମାଛର ଓଜନ ହେଉଛି 18 କେଜି।

କୋଲକାତା: ପଡୋଶୀ ପଶ୍ଚିମବଙ୍ଗର ହାୱାଡା ଜିଲ୍ଲାର ଉଲୁବେରିଆ ଅଞ୍ଚଳରୁ ଜଣେ ଯୁବ ମତ୍ସ୍ୟଜୀବୀ ଏକ ବୃହତ ମାଛ ଧରିଛନ୍ତି। ଯାହାର ଓଜନ 18 କିଲୋଗ୍ରାମ ହୋଇଥିଲା ବେଳେ ଏହାକୁ 15 ହଜାର ଟଙ୍କାରେ ବିକ୍ରି କରାଯାଇଛି। ସେହି ଅଞ୍ଚଳରୁ ଧରାଯାଇଥିବା ମାଛ ମଧ୍ୟରେ ଏହା ସର୍ବବୃହତ ହୋଇଥିବା ସେଠାକାର ଲୋକେ କହିଛନ୍ତି। ପୂର୍ବରୁ ଉଲୁବେରିଆରୁ 3 କିଲୋଗ୍ରାମ ଓଜନର ଏକ ଇଲିଶି ଧରାଯାଇଥିଲା। ଯାହାକୁ 12 ହଜାର ଟଙ୍କାରେ ବିକ୍ରି କରାଯାଇଥିଲା।