ଶ୍ରୀନଗରର ପାସିଂ ଆଉଟ ପରେଡରେ ସାମିଲ ହେଲେ 575 ଯବାନ

ଜାମ୍ମୁ ଓ କାଶ୍ମୀର ରାଜଧାନୀ ଶ୍ରୀନଗରରେ ହୋଇଥିବା ପାସିଂ ଆଉଟ ପରେଡରେ 575 ଯବାନ ସେନାରେ ସାମିଲ ।

ଶ୍ରୀନଗର: ଜାମ୍ମୁ ଓ କାଶ୍ମୀରରେ ଶନିବାର ଏକ ଗୌରବମୟ ଦୃଶ୍ୟ ଦେଖିବାକୁ ମିଳିଛି । 575 ଯବାନ ସେନାରେ ସାମିଲ ହୋଇଛନ୍ତି । ଶ୍ରୀନଗରରେ ହୋଇଥିବା ପାସିଂ ଆଉଟ ପରେଡରେ ଯବାନମାନେ ଜାମ୍ମୁ ଓ କାଶ୍ମୀର ଲାଇଟ ଇନଫାନଟ୍ରି ରେଜିମେଣ୍ଟାଲ ସେଣ୍ଟରରେ ଯୋଗ ଦେଇଛନ୍ତି ।

ସେନାରେ ସାମିଲ ହୋଇଥିବା ଶ୍ରୀନଗରର ଓ୍ବାସୀମ ଅହମଦ ମିର ଖୁସି ଜାହିର କରିବା ସହ ତାଙ୍କ ପିତା ମାତା ଗର୍ବ ଅନୁଭବ କରୁଥିବା କହିଛନ୍ତି । ସେନାରୁ ଉଭୟ ମାନସିକ ଓ ଶାରୀରିକ ଭାବେ ଅନେକ କିଛି ଶିଖିବାକୁ ମିଳିଥିବା ଓ୍ବାସୀମ କହିଛନ୍ତି ।

ଓ୍ବାସୀମଙ୍କ ପିତା ମଧ୍ୟ ପୂର୍ବରୁ ସେନାରେ ଥିଲେ । ପିତାଙ୍କ ସେନା ପୋଷାକ ଆର୍ମିରେ ସାମିଲ ହେବାକୁ ପ୍ରୋତ୍ସାହିତ କରିଥିବା ଓ୍ବାସୀମ କହିଛନ୍ତି ।