ହାଇଦ୍ରାବାଦ: କୋରୋନା ଭାଇରସ କାରଣରୁ ଲକ୍ ଡାଉନ୍ ସମୟରେ ଗରିବଙ୍କ ସହାୟତା ପାଇଁ ଆଜି(ମଙ୍ଗଳବାର) ପ୍ରାୟ 74 ଲକ୍ଷ ଲୋକଙ୍କୁ ସହାୟତା କରାଯିବା ନେଇ ତେଲେଙ୍ଗାନା ପୌରପାଳିକା ପ୍ରଶାସନ ମନ୍ତ୍ରୀ କେ ଟି ରାମା ରାଓ ସୋମବାର କହିଛନ୍ତି । ସମସ୍ତ ଆକାଉଣ୍ଟକୁ 1,500 ଟଙ୍କା ଲେଖାଏଁ ପ୍ରଦାନ କରାଯିବ।
ସେ ଟ୍ବିଟ୍ କରି ଏହି ସୂଚନା ଦେଇଛନ୍ତି । ସରକାର ପ୍ରାୟ 1,112 କୋଟି ଟଙ୍କା ବ୍ୟାଙ୍କକୁ ହସ୍ତାନ୍ତର କରାଯାଇଛି । ସେ ଏହା ମଧ୍ୟ କହିଛନ୍ତି ଯେ, ରାଜ୍ୟରେ ଥିବା 76 ଲକ୍ଷ ହିତାଧିକାରୀଙ୍କ ମଧ୍ୟରୁ 87 ପ୍ରତିଶତ ଲୋକଙ୍କୁ ତିନି ଲକ୍ଷ ଟନରୁ ଅଧିକ ମାଗଣା ଚାଉଳ ବଣ୍ଟନ କରାଯାଇଛି।