ଆସାମରେ ଆତଙ୍କବାଦୀ ଆକ୍ରମଣ, 6 ଆହତ

ଆସାମ ରାଜଧାନୀ ଗୌହାଟୀରେ ଆତଙ୍କବାଦୀ ଆକ୍ରମଣ । ଆତଙ୍କୀଙ୍କ ଗ୍ରେନେଡ ମାଡ ଯୋଗୁଁ 6 ଜଣ ଆହତ ହୋଇଥିବା ବେଳେ ଜଣଙ୍କ ଅବସ୍ଥା ଗୁରୁତର ଥିବା ଜଣା ପଡିଛି ।

ଗୌହାଟୀ: ଆସାମର ଗୌହାଟୀରେ ଗ୍ରେନେଡ ମାଡ କରିଛନ୍ତି ଆତଙ୍କବାଦୀ । ଗୌହାଟୀର ଜୁ ରୋଡ ନିକଟସ୍ଥ ସେଣ୍ଟ୍ରାଲ ମଲ ନିକଟରେ ହୋଇଛି ଏହି ଆକ୍ରମଣ । ଏଥିରେ 6 ଜଣ ଆହତ ହୋଇଥିବା ବେଳେ ଜଣଙ୍କ ଅବସ୍ଥା ଗୁରୁତର ଥିବା ଜଣା ପଡିଛି । ସନ୍ଧ୍ୟା ପ୍ରାୟ 7 ଟା ସମୟରେ ଏହି ଆକ୍ରମଣ ହୋଇଥିବା ସୂଚନା ରହିଛି ।

ଆହତଙ୍କୁ ଗୌହାଟୀ ମେଡିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଏହି ଆକ୍ରମଣ ପାଇଁ ୟୁନାଇଟେଡ ଲିବେରେଶନ ଫ୍ରଣ୍ଟ ଅଫ ଆସାମ(ଉଲଫା)ର କମାଣ୍ଡର ନିଜକୁ ଦାୟୀ କରିଛି ।