ନିର୍ବାଚନ ଘଡିରେ ଗିରଫ ହେଲେ 6 ନକ୍ସଲ

ଛତିଶଗଡ଼ ପୋଲିସକୁ ସଫଳତା । ଆଜି 6ଜଣ ନକ୍ସଲଙ୍କୁ ଗିରଫ କରିଛି ରାଜ୍ୟ ପୋଲିସ । ଗିରଫ ନକ୍ସଲଙ୍କ ମଧ୍ୟରେ ଜଣେ ମହିଳା ନକ୍ସଲ ସାମିଲ ଅଛି ।

ରାୟପୁର: ଛତିଶଗଡ଼ ପୋଲିସ ଆଜି 6 ଜଣ ନକ୍ସଲଙ୍କୁ ଗିରଫ କରିଛି । ଗିରଫ ନକ୍ସଲଙ୍କ ମଧ୍ୟରେ ଜଣେ ମହିଳା ନକ୍ସଲ ସାମିଲ ଅଛନ୍ତି । ବିଭିନ୍ନ ମାଓ କାର୍ଯ୍ୟକଳାପରେ ସେମାନେ ସମ୍ପୃକ୍ତ ଥିଲେ ।

ତେବେ ସେମାନଙ୍କ ମଧ୍ୟରୁ 4ଜଣଙ୍କ ଗିରଫ ପାଇଁ ମୁଣ୍ଡପିଛା 1 ଲକ୍ଷ ଟଙ୍କାର ପୁରସ୍କାର ରାଶି ସରକାର ଘୋଷଣା କରିଥିଲେ । ସେହିପରି ଅନ୍ୟ 3 ଜଣଙ୍କ ନାମରେ ବିଭିନ୍ନ ଥାନାରେ ହତ୍ୟା, ଲୁଟପାଟ ଭଳି ଗୁରୁତର ଅଭିଯୋଗ ହୋଇଛି । ଏପରିକି ଯବାନଙ୍କୁ ହତ୍ୟା ଭଳି ସଙ୍ଗୀନ ଅପରାଧର ମାମଲା ମଧ୍ୟ ରହିଥିବା ଜଣାପଡ଼ିଛି ।

ସୂଚନାଯୋଗ୍ୟ ରାଜ୍ୟରେ ନିର୍ବାଚନ ଚାଲୁଥିବାରୁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ସୁରକ୍ଷାବଳ । ତେବେ କୌଣସି ପ୍ରକାର ଅପ୍ରିତିକର ପରିସ୍ଥିତି ଯେପରି ନଉଠେ, ତାହାକୁ ଦୃଷ୍ଟିରେ ରଖି ରାଜ୍ୟର ବିଭିନ୍ନ ସ୍ଥାନରେ ପୋଲିସ ଚଢାଉ ଜାରି ରଖିଛି ।