ମୁମ୍ବାଇ: ଭାରତରେ କୋରୋନା ନିଜର କାୟା ବିସ୍ତାର କରିଚାଲିଛି । ଏବେ ସୁଦ୍ଧା 28 ହଜାରରୁ ଅଧିକ କୋରୋନା ଆକ୍ରାନ୍ତ ସ୍ପଷ୍ଟ ହୋଇଛନ୍ତି । ତେବେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି ମହାରାଷ୍ଟ୍ର । ରାଜ୍ୟରେ ଥମିବାର ନାମ ନେଉନି କୋଭିଡ-19 ।
ମହାରାଷ୍ଟ୍ର ସ୍ବାସ୍ଥ୍ୟ ବିଭାଗ ସୂଚନାନୁସାରେ ଏଠାରେ ସୋମବାର 522ଟି ନୂଆ ମାମଲା ସାମନାକୁ ଆସିଛି । ସମସ୍ତଙ୍କ ରିପୋର୍ଟ ସୋମବାର ହିଁ ପଜିଟିଭ ଆସିଛି । ଏହାସହ 27 ଜଣଙ୍କର ମୃତ୍ୟୁ ମଧ୍ୟ ହୋଇଛି । ଫଳରେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା 8590 ଛୁଇଁଛି । ପରିସ୍ଥିତିର ଭୟାବହତାକୁ ଦେଖିଲେ ଏହା ଆଗାମୀ 2 ଦିନ ଭିତରେ 10 ହଜାର ଛୁଇଁବାର ଆଶଙ୍କା ଦେଖାଦେଇଛି ।