ନୂଆଦିଲ୍ଲୀ: ଦେଶରେ 7 ମାସରୁ ଅଧିକ ହେବ ମହାମାରୀ କୋରୋନା ତାର କାୟା ବିସ୍ତାର କରିଥିବାବେଳେ, ଏବେ ସୁଦ୍ଧା ଏଥିରେ କୌଣସି ପରିବର୍ତ୍ତନ ପରିଲିକ୍ଷିତ ହୋଇନାହିଁ । ଗତ କିଛି ଦିନ ଧରି ମାମଲା ହ୍ରାସ ପାଉଥିବା ବେଳେ ପୁଣି ବଢିଛି ସଂକ୍ରମଣ । ଗତ 24 ଘଣ୍ଟାରେ ଦେଶରେ 50 ହଜାର 209ଟି କୋରୋନା ପଜିଟିଭ ରିପୋର୍ଟ ହୋଇଛି । ଏଥିରେ 704 ଜଣଙ୍କର ମୃତ୍ୟୁ ହୋଇଛି ।
ଦେଶରେ ପୁଣି ଉପରମୁହାଁ କୋରୋନା ଗ୍ରାଫ, 24 ଘଣ୍ଟାରେ 50,209 ପଜିଟିଭ ଚିହ୍ନଟ
ଭାରତରେ ଥମୁନି କୋରୋନା ସଂକ୍ରମଣ । 83 ଲକ୍ଷ ପାର କରିଛି ସଂକ୍ରମଣ ସଂଖ୍ୟା। ଗଲାଣି 1 ଲକ୍ଷ 24 ହଜାରରୁ ଉର୍ଦ୍ଧ୍ବ ଲୋକଙ୍କ ଜୀବନ। ଅଧିକ ପଢନ୍ତୁ...
ଦେଶରେ ଗୋଟିଏ ଦିନରେ 50,209 କୋରୋନା ପଜିଟିଭ ରିପୋର୍ଟ, 704 ମୃତ
ଏହି ଅପଡେଟ ରିପୋର୍ଟକୁ ମିଶାଇ ବର୍ତ୍ତମାନ ସୁଦ୍ଧା ମୋଟ 83 ଲକ୍ଷ 64 ହଜାର 86ରେ ପହଞ୍ଚିଛି ସଂକ୍ରମଣ ମାମଲା । ସେହିପରି ମୋଟ ସଂକ୍ରମିତଙ୍କ ମଧ୍ୟରୁ 1 ଲକ୍ଷ 24 ହଜାର 315 ଜଣଙ୍କର ମୃତ୍ୟୁ ହୋଇଛି ।
ତେବେ ମୋଟ ଆକ୍ରାନ୍ତଙ୍କ ମଧ୍ୟରୁ 77 ଲକ୍ଷ 11 ହଜାର 809 ଜଣ ସୁସ୍ଥ ହୋଇଥିବାବେଳେ, ବର୍ତ୍ତମାନ 5 ଲକ୍ଷ 27 ହଜାର 962 ଜଣ ଆକ୍ରାନ୍ତ ଦେଶର ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।
Last Updated : Nov 5, 2020, 10:36 AM IST