ସୀମଲା: ହିମାଚଳ ପ୍ରଦେଶ ସିମଲାରେ ଜାରି ରହିଛି ତୁଷାରପାତ। ଯାହାର ପ୍ରଭାବ ଦେଖିବାକୁ ମିଳିଛି ରାଜ୍ୟର ବିଭିନ୍ନ ରାଜପଥରେ। ପ୍ରବଳ ବରଫପାତ ଯୋଗୁଁ 1034 ରାସ୍ତା ଓ ଜାତୀୟ ରାଜପଥ ବନ୍ଦ ହୋଇଯାଇଛି। ଏପଟେ ଏହି ସୁନ୍ଦର ସ୍ଥାନକୁ ପରିଭ୍ରମଣରେ ଆସୁଥିବା ପର୍ଯ୍ୟଟକମାନେ ବିଭିନ୍ନ ଅସୁବିଧାର ସାମ୍ନା କରିବାକୁ ପଡୁଥିବା ବେଳେ ସାଧାରଣ ଲୋକେ ନାହିଁ ନାହିଁ ଅବସ୍ଥା ହେଉଛନ୍ତି।
12 ବର୍ଷର ବରଫପାତ ରେକର୍ଡ ଭାଙ୍ଗିଲା ସିମଲା,ଯାତାୟତ ବାଧାପ୍ରାପ୍ତ
ମିଳିଥିବା ସୂଚନା ଅନୁସାରେ,ସର୍ବାଧିକ ସଂଖ୍ୟକ ରାସ୍ତାଜାମ ସିମଲା ଜୋନରେ ହୋଇଛି। ସେଥିମଧ୍ୟରୁ 759 ରୋଡ,179 ମଣ୍ଡି ଜୋନ,91 କନଗାରା ଜୋନରେ ଯାତାୟତ ପୂରାପୁରି ଠପ୍। ତେବେ ଟ୍ରାଫିକ ନିୟନ୍ତ୍ରଣ ପାଇଁ ପବ୍ଲିକ ୱାର୍କ ଡିର୍ପାଟମେଣ୍ଟ 259 ନମ୍ବର ରୋଡକୁ ଖୋଲା ରଖିଛନ୍ତି। ବରଫପାତ ଯୋଗୁଁ 9360.98ଲକ୍ଷ ଟଙ୍କା କ୍ଷତି ହୋଇଥିବା ପବ୍ଲିକ ୱାର୍କ ଡିର୍ପାଟମେଣ୍ଟ ଆକଳନ କରି କହିଛି।