ନୂଆଦିଲ୍ଲୀ: ଚୀନକୁ ଭୋଗିବାକୁ ପଡିଲା ତାର ଚାଲାଖି। ଗଲୱାନ ଘାଟିରେ ରକ୍ତପାତର କଡା ପରିଣାମ ଭୋଗିଲା ଏହି ଚତୁର ଦେଶ। ତିକ୍ତତା ଆରମ୍ଭ ହେବା ଦିନ ଠୁ ଭାରତରେ ବୋହିବାରେ ଲାଗିଥିଲା ଚୀନ ବିରୋଧୀ ହାୱା। ଯାହାକୁ ନେଇ ଚୀନର ସମସ୍ତ ଉତ୍ପାଦକୁ ବନ୍ଦ କରିବାକୁ ପଣ କରି ନେଇଥିଲେ ଦେଶବାସୀ।
ଆଜି ହେଉଛି ପବିତ୍ର ରକ୍ଷା ବନ୍ଧନ। ଏହି ଦିବସ ପାଇଁ ଚାଇନାରୁ ଆସେ ଭାଇ ହାତରେ ବାନ୍ଧିବାକୁ ରାକ୍ଷୀ। ହେଲେ ଏଥର ଚୀନର ସବୁ ବେପାର ମାନ୍ଦା । ବ୍ୟବସାୟୀଙ୍କ ସଂଗଠନ କନଫେଡେରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (CAIT) ଚଳିତ ବର୍ଷ 'ହିନ୍ଦୁସ୍ତାନୀ ରାକ୍ଷୀ' ଅଭିଯାନ ଆରମ୍ଭ କରିଛି। ଯେଉଁଥିରେ ଚୀନ୍ ପ୍ରାୟ 4,000 କୋଟିର କ୍ଷତି ସହିଛି।
ସିଏଟି ଅନୁଯାୟୀ, ପ୍ରତିବର୍ଷ ରକ୍ଷା ବନ୍ଧନ ଅବସରରେ ପ୍ରାୟ 6,000 କୋଟି ବ୍ୟବସାୟ ପାଇଁ ରୁଚି ରଖିଥାଏ ବଣିକ ସଙ୍ଘ। ଏଥିରେ ଚୀନ୍ ପ୍ରାୟ 4,000 କୋଟି ଟଙ୍କା ଲାଭ ଉଠାଇଥାଏ। ଏହି ସଂଗଠନ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ 5,000 ରାକ୍ଷୀ ପଠାଇଛନ୍ତି ଯାହା ସୀମାରେ ନିୟୋଜିତ ସୈନ୍ୟମାନଙ୍କୁ ପ୍ରଦାନ କରାଯିବ।
କ୍ୟାଟ୍ 'ହିନ୍ଦୁସ୍ତାନୀ ରାକ୍ଷୀ' ଅଭିଯାନ ଆରମ୍ଭ କରିଛି, ଯାହା ଦ୍ବାରା ଚୀନ୍ 4,000 କୋଟି ଟଙ୍କା ବ୍ୟବସାୟ ହରାଇଛି। ସିଏଟି ସହିତ ପ୍ରାୟ 40,000 ବାଣିଜ୍ୟ ସଙ୍ଗଠନ ଜଡିତ ଏବଂ ଏହାର ସମଗ୍ର ଦେଶରେ 7 କୋଟି ସଦସ୍ୟ ଅଛନ୍ତି। ସଙ୍ଗଠନ ଏକ ବିବୃତ୍ତିରେ କହିଛି ଯେ ଭାରତ ଏହି ରକ୍ଷା ବନ୍ଧନକୁ ସମ୍ପୂର୍ଣ୍ଣ ହିନ୍ଦୁସ୍ତାନୀ ରାକ୍ଷୀ ଅଭିଯାନରେ ଚଳାଇବ ଏବଂ ଏଥିପାଇଁ ଚୀନ୍କୁ ପ୍ରାୟ 4,000 କୋଟିର କ୍ଷତି ସହିବାକୁ ପଡିବ।
ଏକ ଆକଳନ ଅନୁଯାୟୀ, ଦେଶରେ ପ୍ରତିବର୍ଷ ପ୍ରାୟ 50 କୋଟି ରାକ୍ଷୀ ବ୍ୟବସାୟ କରାଯାଏ, ଯାହାର ମୂଲ୍ୟ ପ୍ରାୟ 6 ହଜାର କୋଟି ଟଙ୍କା । ଏଥର କ୍ୟାଟ୍ ଏହାର ସମସ୍ତ ଶାଖାକୁ ସ୍ପଷ୍ଟ ଭାବରେ କହିଛି ଯେ ଚାଇନିଜ୍ ରାକ୍ଷୀ କିମ୍ବା ଆନୁଷଙ୍ଗିକ ସାମଗ୍ରୀର ବିକ୍ରୟ ହେବା ଉଚିତ୍ ନୁହେଁ। କେବଳ ଏତିକି ନୁହେଁ, କ୍ୟାଟ୍ ଏଥର ମଧ୍ୟ ବସ୍ତି , ମହିଳା ସ୍ବୟଂ ସହାୟକ ଗୋଷ୍ଠୀ, ଅଙ୍ଗନୱାଡିରେ କାର୍ଯ୍ୟ କରୁଥିବା ମହିଳା, କାରିଗର ଏବଂ ରାକ୍ଷୀ ତିଆରି ତଥା ବିକ୍ରୟ କରିବାରେ ମଧ୍ୟ ନିୟୋଜିତ କରିଥିଲା।
