ଶପଥ ନେଲେ 4 ଓଡିଆ ରାଜ୍ୟସଭା ସାଂସଦ

ଆଜି ରାଜ୍ୟସଭାରେ ଶପଥ ଗ୍ରହଣ କରିଛନ୍ତି 4 ନବନିର୍ବାଚିତ ରାଜ୍ୟସଭା ସାଂସଦ । ସମସ୍ତେ ଓଡିଆରେ ଶପଥ ନେଇଛନ୍ତି ।

ନୂଆଦିଲ୍ଲୀ: ରାଜ୍ୟସଭାରେ ଆଜି ଶପଥ ନେଲେ 4 ଓଡିଆ ନବ ନିର୍ବାଚିତ ରାଜ୍ୟସଭା ସାଂସଦ । ଓଡିଆରେ ଶପଥ ନେଲେ 4 ସାଂସଦ । ସାଂସଦ ସୁବାସ ସିଂ, ମୁନା ଖାଁ, ସୁଜିତ କୁମାର ଓ ମମତା ମହାନ୍ତ ଶପଥ ନେଇଛନ୍ତି ।

ରାଜ୍ୟସଭା ଭିତରେ ସମୁଦାୟ 62 ସାଂସଦଙ୍କ ସହିତ ଏମାନେ ଶପଥ ନେଇଛନ୍ତି । ଓଡିଶାରୁ ଖାଲି ପଡିଥିବା 4ଟି ରାଜ୍ୟସଭା ଆସନ ପାଇଁ ବିଜେଡିର ଏହି 4 ଜଣ ସାଂସଦ ଆଜି ଶପଥ ନେଇଛନ୍ତି । ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କ ଉପସ୍ଥିତିରେ ସେ ପଦ ଓ ଗୋପନୀୟତାର ଶପଥ ପାଠ କରିଛନ୍ତି ।

ସୂଚନାଥାଉକି, କୋରୋନା ପାଇଁ ରାଜ୍ୟସଭା ନିର୍ବାଚନ ବିଳମ୍ବିତ ହୋଇଥିବାରୁ ବିଳମ୍ବରେ ଶପଥ ପାଠ କରାଯାଇଛି । ରାଜ୍ୟର 4 ସାଂସଦ ମାର୍ଚ୍ଚ 11 ତାରିଖରେ ନିଜର ପ୍ରାର୍ଥୀପତ୍ର ଦାଖଲ କରିଥିବାବେଳେ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଥିଲେ ।