ହରିୟାଣା: ପ୍ରାଣଘାତକ ସାଜିଥିବା ମହାମାରୀ କୋରୋନା ସାରା ବିଶ୍ବ ପାଇଁ ଚିନ୍ତା ବିଷୟ ପାଲଟିଥିବା ବେଳେ ଏହାର ପ୍ରତିହତ ପାଇଁ ସରକାର ଲକଡାଉନ ଘୋଷଣା କରିଛନ୍ତି । ଏହା ସହ ଏହି ଭୂତାଣୁକୁ ନେଇ ଆତଙ୍କିତ ନ ହେବାକୁ ପରାମର୍ଶ ଦେଉଛନ୍ତି ।
କେବଳ ଏତିକି ନୁହେଁ କୋରୋନାକୁ ନେଇ ଆତଙ୍କିତ କରୁଥିବା କିମ୍ବା ମିଥ୍ୟା ଅପପ୍ରଚାର କରୁଥିବା ବ୍ୟକ୍ତିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ହେଲେ କିଛି ଅମାନିଆ ବ୍ୟକ୍ତି ଏସବୁ ଉପହାସରେ ଉଡାଇ ଲୋକଙ୍କୁ ଆତଙ୍କିତ କରୁଛନ୍ତି । ସରକାରଙ୍କ ନିର୍ଦ୍ଦେଶକୁ ଥଟ୍ଟା ପରିହାସରେ ଉଡାଇ ଦେଇଥିବା 36 ଜଣଙ୍କ ନାଁରେ 38ଟି ମାମଲା ରୁଜୁ ହୋଇଛି ।