ଜୟପୁର: ଲକଡାଉନରେ ବିଦେଶରେ ଫସିଥିବା ପ୍ରବାସୀଙ୍କୁ ବନ୍ଦେ ଭାରତ ମିଶନ ଅଧିନରେ ସ୍ବଦେଶକୁ ଫେରାଇ ଅଣାଯାଉଛି । ତେବେ ରାଜସ୍ଥାନ ଜୟପୁର ବିମାନବନ୍ଦରରେ ବନ୍ଦେ ଭାରତ ମିଶନ ଜରିଆରେ ଦୁବାଇରେ ଫସି ରହିଥିବା ପ୍ରବାସୀଙ୍କୁ ରାଜସ୍ଥାନକୁ ଅଣାଯିବା ସମୟରେ ସୁନା ଚୋରା ଚାଲଣ କରାଯାଉଥିବା ଘଟଣା ସାମନାକୁ ଆସିଛି । ଜରୁରୀକାଳୀନ ଲାଇଟ ବ୍ୟାଟେରୀରେ 32 କିଲୋଗ୍ରାମ ସୁନା ଭର୍ତ୍ତି କରି ଅଣାଯାଉଥିବାବେଳେ ଜବତ କରିଛି କଷ୍ଟମ ବିଭାଗ ।
ସୁନା ଚୋରା ଚାଲାଣର କରିଡର ବନ୍ଦେ ଭାରତ ମିଶନ
ଜୟପୁର ବିମାନବନ୍ଦରରେ କଷ୍ଟମ ବିଭାଗ ପ୍ରଥମ ଥର ପାଇଁ ଏକ ବଡ଼ ଧରଣର ସୁନା ଜବତ କରିଛି । ଚୋରା ସୁନା ଦୁବାଇରୁ ଜୟପୁରକୁ ଜରୁରୀକାଳୀନ ଲାଇଟ ବ୍ୟାଟେରୀରେ ଭର୍ତ୍ତି କରି ଅଣାଯାଇଥିଲା। କଷ୍ଟମ ବିଭାଗର ଟିମ୍ ତିନିଟି ବିମାନରୁ ମୋଟ 14 ଜଣ ଚୋରା ଚାଲାଣକାରୀଙ୍କୁ କାବୁ କରିଛି। ଚୋରା ଚାଲାଣ ହୋଇଥିବା ସୁନାର ମୂଲ୍ୟ ପ୍ରାୟ 16 କୋଟି ଟଙ୍କା ହେବ ବୋଲି ଆକଳନ କରାଯାଇଛି ।