ଚକୋଲେଟ ଦେଇ 3 ବର୍ଷୀୟ ଶିଶୁକୁ ଦୁଷ୍କର୍ମ କଲା ସମ୍ପର୍କୀୟ ଭାଇ

ଚକୋଲେଟ ଦେବାକୁ କହି ତିନି ବର୍ଷର ଶିଶୁ ସହ ସମ୍ପର୍କୀୟ ଭାଇର ଦୁଷ୍କର୍ମ । ଅଭିଯୁକ୍ତ ଗିରଫ । ଅଧିକ ପଢନ୍ତୁ...

ଲକ୍ଷ୍ନୌ: ଉତ୍ତରପ୍ରଦେଶ ବଦୌନ ଜିଲ୍ଲା ଓ୍ବାଜିରଙ୍ଗଜ ଥାନା ଅଞ୍ଚଳରେ ମଙ୍ଗଳବାର ଜଣେ ତିନି ବର୍ଷର ଶିଶୁକୁ ଦୁଷ୍କର୍ମ କରିବା ଭଳି ଘୃଣ୍ୟ କାଣ୍ଡ ସାମ୍ନାକୁ ଆସିଛି । ସବୁଠୁ ବଡ କଥା ହେଉଛି ଅଭିଯୁକ୍ତ ଜଣକ ଶିଶୁଟିର 26 ବର୍ଷୀୟ ସମ୍ପର୍କୀୟ ଭାଇ । ଏନେଇ ଅଭିଯୋଗ ହେବା ପରେ ଅଭିଯୁକ୍ତ ଯୁବକକୁ ପୋଲିସ ଗିରଫ କରିଛି ।

ସୂଚନାଯୋଗ୍ୟ, ସୋମବାର ବିଳମ୍ବିତ ରାତିରେ ସମ୍ପର୍କୀୟ ଭାଇ ଜଣକ ଶିଶୁକୁ ଚକୋଲେଟ ଦେବାକୁ କହି ଏକ ନିଛାଟିଆ ଜାଗାକୁ ନେଇଯାଇଥିଲା । ସେଠାରେ ତା ସହ ଦୁଷ୍କର୍ମ କରିଥିଲା । ଏ ସମ୍ପର୍କରେ ଖବର ପାଇ ପୋଲିସ ଏକ ମାମଲା ରୁଜୁ କରିବା ସହ ଯୁବକକୁ ଗିରଫ କରିଥିବା ଜଣାପଡିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ