24 ଘଣ୍ଟାରେ ଦେଶରେ 24,010 ନୂଆ ଆକ୍ରାନ୍ତ ଚିହ୍ନଟ, 355 ମୃତ

ଆଉ କିଛି ଦିନ ପରେ ବର୍ଷେ ଛୁଇଁବ ଭାରତରେ କୋରୋନା ସଂକ୍ରମଣ ବ୍ୟାପିବା । ତେବେ ଏତେ ଦିନ ପରେ ମଧ୍ୟ ଦେଶରୁ ସମ୍ପୂର୍ଣ୍ଣ ଭାବେ ବନ୍ଦ ହୋଇନି କୋରୋନା ସଂକ୍ରମଣ । ଅଧିକ ପଢନ୍ତୁ...

ନୂଆଦିଲ୍ଲୀ: ଭାରତରେ ନିୟନ୍ତ୍ରଣକୁ ଆସୁଛି କୋରୋନା ସଂକ୍ରମଣ । ଧିରେ ଧିରେ ସୁଧୁରୁଛି ସ୍ଥିତି । ଅତ୍ୟଧିକ ଜନ ସଂଖ୍ୟା ସତ୍ତ୍ବେ ସଠିକ ସମୟରେ ଟେଷ୍ଟ, ସତର୍କତା ଓ ସଚେତନତା ହେତୁ କମୁଛି ସଂକ୍ରମଣ ।

କେନ୍ଦ୍ର ସ୍ବାସ୍ଥ୍ୟ ପରିବାର କଲ୍ୟାଣ ମନ୍ତ୍ରାଳୟର ସଦ୍ୟତମ ରିପୋର୍ଟ ମୁତାବକ, ଗତ 24 ଘଣ୍ଟାରେ ଦେଶରେ 24 ହଜାର 010ଟି କୋରୋନା ପଜିଟିଭ ରିପୋର୍ଟ ହୋଇଛି। ଏହାସହ 355 ଜଣଙ୍କର ମୃତ୍ୟୁ ହୋଇଛି । ସଦ୍ୟତମ ରିପୋର୍ଟକୁ ମିଶାଇ 99 ଲକ୍ଷ 56 ହଜାର 558ରେ ପହଞ୍ଚିଛି ମୋଟ ସଂକ୍ରମିତଙ୍କ ସଂଖ୍ୟା ।

ଅନ୍ୟପଟେ 99 ଲକ୍ଷ ସଂକ୍ରମିତଙ୍କ ମଧ୍ୟରୁ 94 ଲକ୍ଷ 89 ହଜାର 740 ଜଣ ସୁସ୍ଥ ହୋଇ ଘରକୁ ଫେରିଥିବାବେଳେ, ବର୍ତ୍ତମାନ 3 ଲକ୍ଷ 22 ହଜାର 366 ଜଣ ଚିକିତ୍ସାଧୀନ ଅଛନ୍ତି। ନୂଆ ମୃତ୍ୟୁ ରିପୋର୍ଟକୁ ମିଶାଇ ମୋଟ 1 ଲକ୍ଷ 44 ହଜାର 740 ଜଣଙ୍କର ମୃତ୍ୟୁ ହୋଇଛି।