ଚଣ୍ଡିଗଡ: ପଞ୍ଜାବ ସିଏମ୍ କ୍ୟାପଟେନ ଅମରିନ୍ଦର ସିଂ ସ୍ବୀକାର କରିଛନ୍ତି ଯେ, ପ୍ରବାସୀ ଭାରତୀୟ ଏବଂ ତବଲିଗୀ ଜମାତ ପରେ ନାନ୍ଦେଡରୁ ଫେରିଥିବା ଲୋକଙ୍କ ପାଇଁ ପଞ୍ଜାବରେ କୋରୋନା ବିସ୍ତାର ହେବାରେ ଏକ ବଡ଼ ବିପଦ ରହିଛି । ପଞ୍ଜାବ ସିଏମ୍ ତଖତ ଶ୍ରୀ ହଜୁର ସାହିବ ଏବଂ ବାହାର ରାଜ୍ୟରୁ ପଞ୍ଜାବକୁ ଫେରୁଥିବା ସମସ୍ତଙ୍କୁ 21 ଦିନ ପାଇଁ କ୍ବାରେଣ୍ଟାଇନ କରିବାକୁ ନିର୍ଦ୍ଦେଶ ଦେଇଛନ୍ତି ।
21 ଦିନ କ୍ବାରେଣ୍ଟାଇନରେ ରହିବେ ରାଜ୍ୟବାହାରୁ ଫେରିଥିବା ଲୋ ବର୍ତ୍ତମାନ ସମସ୍ତଙ୍କ ପାଇଁ ସରକାରଙ୍କ ସ୍ବୀକୃତିପ୍ରାପ୍ତ କ୍ୱାରେଣ୍ଟାଇନ୍ ସେଣ୍ଟରରେ 21 ଦିନ ରହିବା ବାଧ୍ୟତାମୂଳକ ହେବ। ଏହି କ୍ୱାରେଣ୍ଟାଇନ କେନ୍ଦ୍ର ରାଧା ସ୍ବାମୀ ବ୍ୟାସର ଡେରୋର ଏବଂ ବିଦ୍ୟାଳୟ ଏବଂ ଅନ୍ୟାନ୍ୟ ସ୍ଥାନରେ ମଧ୍ୟ ନିର୍ମିତ ହୋଇଛି ।
ସୂଚନାଯୋଗ୍ୟ, ଏପ୍ରିଲ 26ରେ ବସ୍ ଯୋଗେ ନାନ୍ଦେଡରୁ ପଞ୍ଜାବ ଆସିଥିବା ତୀର୍ଥଯାତ୍ରୀଙ୍କ ମଧ୍ୟରୁ 11 ଟି କୋରୋନା ପଜିଟିଭ୍ ବାହାରିଛି ଏବଂ ରାଜ୍ୟ ସରକାର ବର୍ତ୍ତମାନ ଘରୁ ଡାକି ତଦନ୍ତ କରୁଛନ୍ତି। ହଜୁର ସାହିବରୁ ଫେରିଥିବା 179 ତୀର୍ଥଯାତ୍ରୀଙ୍କୁ ଏକ ସ୍କ୍ରିନିଂ ପରେ ଅମ୍ରିତସର ପ୍ରଶାସନ ଦ୍ୱାରା ଘରକୁ ପଠାଯାଇଥିଲା ।
ତେବେ ବର୍ତ୍ତମାନ ପୋଲିସର ସହାୟତାରେ ଏହି 179 ଶ୍ରଦ୍ଧାଳୁଙ୍କୁ କୋଭିଡ-19 ପରୀକ୍ଷା ପାଇଁ ଡାକ୍ତରଖାନାକୁ ଅଣାଯାଉଛି। ବସ୍ରୁ ଓହ୍ଲାଇବା ପରେ ପ୍ରଶାସନ ସେମାନଙ୍କୁ ସରକାରୀ କ୍ବାରେଣ୍ଟାଇନ ସେଣ୍ଟରରେ ରଖି ନଥିଲା।
ସୂଚନା ମୁତାବକ, ବର୍ତ୍ତମାନ ସୁଦ୍ଧା ରାଜ୍ୟରେ 342ଟି ପଜିଟିଭ ମାମଲା ରିପୋର୍ଟ ହୋଇିଥିବାବେଳେ, ସେଥିମଧ୍ୟରୁ 19 ଜଣଙ୍କର ମୃତ୍ୟୁ ହୋଇଛି । ମେଡିକାଲରୁ 101 ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ବର୍ତ୍ତମାନ ରାଜ୍ୟରେ ମୋଟ 222 ଜଣ ସକ୍ରିୟ ଥିବା ରିପୋର୍ଟ ହୋଇଛି ।
