ଚେନ୍ନାଇ: 20 ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କଲା ଶ୍ରୀଲଙ୍କା ନୌସେନା । ସୋମବାର ଦିନ ରାମେଶ୍ବରମର ପ୍ରାୟ 3000 ମତ୍ସ୍ୟଜୀବୀ 500 ମାଛଧରା ବୋଟ ନେଇ ସମୁଦ୍ରକୁ ଯାଇଥିଲେ, ଠିକ୍ ସେହି ସମୟରେ ଶ୍ରୀଲଙ୍କାର ନୌସେନା କର୍ମଚାରୀମାନେ ସେମାନଙ୍କୁ ଗିରଫ କରି ନେଇଥିବା ଜଣାପଡିଛି । ଶ୍ରୀଲଙ୍କା ସେନାର ଏଭଳି କାର୍ଯ୍ୟାନୁଷ୍ଠାନ ଫଳରେ ଅନ୍ୟ ମତ୍ସ୍ୟଜୀବୀମାନେ ଭୟଭୀତ ହୋଇ କୂଳକୁ ଫେରିବାକୁ ବାଧ୍ୟ ହୋଇଥିଲେ ।
ଶ୍ରୀଲଙ୍କା ନୌସେନା ଗିରଫ ମତ୍ସ୍ୟଜୀବୀଙ୍କୁ କଙ୍ଗେସନ୍ତୁରାଇକୁ ନେଇଛି । ଭାରତୀୟ ମତ୍ସ୍ୟଜୀବୀମାନେ ଏହି ଆକ୍ରମଣକୁ ନିନ୍ଦା କରିଛନ୍ତି । ସମସ୍ତ ମତ୍ସ୍ୟଜୀବୀ ସଙ୍ଗଠନ ଆସନ୍ତାକାଲି ଶ୍ରୀଲଙ୍କା ନୌସେନାର ଅନେକ ଧମକକୁ ନେଇ ରାମେଶ୍ବରମରେ ଏକ ଜରୁରୀ ବୈଠକ ମଧ୍ୟ ଡାକିଛନ୍ତି । ଶ୍ରୀଲଙ୍କା ନୌସେନା ଦ୍ବାରା ଏପରି ଗିରଫଦାରୀକୁ ଏମଡିଏମକେ ସାଧାରଣ ସମ୍ପାଦକ ଭାଇକୋ ନିନ୍ଦା କରିଛନ୍ତି।