ଚଣ୍ଡିଗଡ: ପଞ୍ଜାବର ଫରିଦକୋଟ ଜିଲ୍ଲାର କୋଟକପୁରାରେ ଦୁଇ ଜଣ ଦଳିତ ମହିଳାଙ୍କୁ କିଛି ପୁରୁଷ ରାସ୍ତାରେ ଗାଳିଗୁଲଜ କରୁଥିବା ସହ ମାଡ ମାରୁଥିବା ଘଟଣା ସାମ୍ନାକୁ ଆସିଛି । ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
ଭିଡିଓରେ ଦେଖାଯାଉଛି, ଦୁଇ ଜଣ ଦଳିତ ମହିଳାଙ୍କୁ କିଛି ଲୋକେ ରାସ୍ତାରେ ତଳେ ପକାଇ ଗାଳିଗୁଲଜ କରିବା ସହ ମାରପିଟ କରୁଛନ୍ତି । ଦୁଇ ମହିଳା ସେମାନଙ୍କୁ ଛାଡିଦେବା ପାଇଁ ଅନୁରୋଧ ମଧ୍ୟ କରୁଛନ୍ତି । ସବୁଠାରୁ ବଡ କଥା ହେଲା ଏହି ସବୁ ଘଟଣାକୁ ପ୍ରତ୍ୟକ୍ଷଦର୍ଶୀ ଅଟକାଇବା ବଦଳରେ ଘଟଣାର ମଜା ଉଠାଉଛନ୍ତି ।