ଏନକାଉଣ୍ଟରରେ ମୃତ 2 ଆତଙ୍କବାଦୀ କୋରୋନା ପଜିଟିଭ

ଘାଟିରେ ହୋଇଥିବା ଏନକାଉଣ୍ଟରରେ ମୃତ 2 ଆତଙ୍କବାଦୀଙ୍କ ନମୁନା କୋରୋନା ପଜିଟିଭ । ଅଧିକ ପଢନ୍ତୁ...

ଶ୍ରୀନଗର: ଘାଟିରେ ହୋଇଥିବା ଏନକାଉଣ୍ଟରରେ ମୃତ 2 ଆତଙ୍କବାଦୀଙ୍କ ନମୁନା କୋରୋନା ପଜିଟିଭ । ତେବେ ପଜିଟିଭ ଆସିଥିବା ଆତଙ୍କବାଦୀ 2 ଜଣ ହିଜବୁଲ ମୁଜାହିଦ୍ଦିନର ବୋଲି ଜଣାପଡିଛି ।

ଗତ କିଛିଦିନ ତଳେ କୁଲଗାମର ଆରା ଅଞ୍ଚଳରେ ଏକ ଏନକାଉଣ୍ଟରରେ ଏହି ଆତଙ୍କବାଦୀ 2 ଜଣ ନିହତ ହୋଇଥିଲେ । ତେବେ ବ୍ୟବଚ୍ଛେଦ ପାଇଁ ଏମାନଙ୍କୁ ମେଡିକାଲ ନିଆଯାଇଥିଲା । ସେଠାରେ ନମୁନା ପରୀକ୍ଷା ପରେ ଦୁଇଜଣ କୋରୋନା ପଜିଟିଭ ଥିବା ଜଣାପଡିଛି ।

ତେବେ ଦୁଇ ଆତଙ୍କବାଦୀଙ୍କ ମୃତଦେହକୁ କଡାସୁରକ୍ଷା ମଧ୍ୟରେ ଅଣାଯାଇ କୋଭିଡ ନିୟମ ସହ ଅନ୍ତିମ ସଂସ୍କାର କରାଯାଇଛି । ଅନ୍ୟପକ୍ଷେ ଏନକାଉଣ୍ଟର ଘଟଣାରେ ଜଣେ ଭାରତୀୟ ଯବାନ ମଧ୍ୟ ଆହତ ହୋଇଥିଲେ ବୋଲି ଜଣାପଡିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ