କୋରୋନା ନେଲା 14 ମାସ ଶିଶୁର ଜୀବନ

ଗୁଜୁରାଟର ଜାମାନଗର ଜିଲ୍ଲାରେ ଜଣେ 14 ମାସ ଶିଶୁର କୋରୋନା କାରଣରୁ ମୃତ୍ୟୁ ଘଟିଛି ।

ଗାନ୍ଧୀନଗର: କୋରୋନା ନେଲା 14 ମାସ ଶିଶୁର ଜୀବନ । ଗୁଜୁରାଟର ଜାମାନଗର ଜିଲ୍ଲାରେ ଜଣେ 14 ମାସ ଶିଶୁର କୋରୋନା କାରଣରୁ ମୃତ୍ୟୁ ଘଟିଛି ।

ସୂଚନା ଅନୁଯାୟୀ, ଗତ ରବିବାର ଶିଶୁଟି କୋରୋନା ଆକ୍ରାନ୍ତ ଥିବା ଜଣାପଡିଥିଲା । ଏହାପରେ ଶିଶୁଟିକୁ ମେଡିକାଲରେ ଭର୍ତ୍ତି କରାଯାଇଥିଲା । ମାତ୍ର ଶିଶୁଟିର ସ୍ବାସ୍ଥ୍ୟବସ୍ଥା ଖରାପ ହେବାରୁ ତାକୁ ଭେଣ୍ଟିଲେଟରରେ ରଖାଯାଇଥିଲା । ମାତ୍ର ଗତ ମଙ୍ଗଳବାର ବିଳମ୍ବିତ ରାତ୍ରରେ ଶିଶୁଟିର ମୃତ୍ୟୁ ଘଟିଛି ।

ଏପଟେ 14 ମାସର ଶିଶୁ କିପରି କୋରୋନା ଆକ୍ରାନ୍ତ ହେଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏପଟେ ଜାମାନଗରର ଏହା ପ୍ରଥମ କୋରୋନା ମାମଲା ଥିବା ଜଣାପଡିଛି । ଶିଶୁଟି କିପରି କୋରୋନା ସଂକ୍ରମିତ ହେଲା ସେନେଇ ତଦନ୍ତ ଆରମ୍ଭ କରିଛି ପ୍ରଶାସନ ।

ପ୍ରକାଶ ଥାଉକି, ବର୍ତ୍ତମାନ ସୁଦ୍ଧା ଗୁଜୁରାଟରେ 176 କୋରୋନା ଆକ୍ରାନ୍ତ ଥିବାବେଳେ 16 ଜଣଙ୍କର ମୃତ୍ୟୁ ଘଟିଛି ।