କର୍ଣ୍ଣାଟକ: ଶପଥ ନେଲେ ୧୩ ନବ ନିର୍ବାଚିତ ବିଧାୟକ

କର୍ଣ୍ଣାଟକ ବିଧାନସଭାରେ ଶପଥ ନେଲେ ୧୩ ନବ ନିର୍ବାଚିତ ବିଧାୟକ । ବିଧାନସଭା ବାଚସ୍ପତି ବିଶ୍ବେଶ୍ବର ହେଗଡେ କାରେଗୀ ସେମାନଙ୍କୁ ଶପଥ ପାଠ କରାଇଛନ୍ତି ।

ବେଙ୍ଗାଲୁରୁ: କର୍ଣ୍ଣାଟକ ବିଧାନସଭାରେ ଶପଥ ନେଲେ ୧୩ ନବ ନିର୍ବାଚିତ ବିଧାୟକ । ବେଙ୍ଗାଲୁରୁର ବିଧାନସଭା ଭେଙ୍କେଟ ହଲରେ ଏହି ଶପଥ ଗ୍ରହଣ ସମାରୋହ ହୋଇଛି । ବିଜେପିର 12 ଏବଂ ଜଣେ ସ୍ବାଧୀନ ବିଧାୟକ ଆଜି ଶପଥ ଗ୍ରହଣ କରିଛନ୍ତି । ବିଧାନସଭା ବାଚସ୍ପତି ବିଶ୍ବେଶ୍ବର ହେଗଡେ କାରେଗୀ ସେମାନଙ୍କୁ ଶପଥ ପାଠ କରାଇଛନ୍ତି । ଶପଥ ଗ୍ରହଣ ସମାରୋହରେ ମୁଖ୍ୟମନ୍ତ୍ରୀ ୟେଦୁରପ୍ପାଙ୍କ ସମେତ ବିଜେପି ନେତାମାନେ ଯୋଗ ଦେଇଥିଲେ ।

ସୂଚନାଯୋଗ୍ୟ ଜୁଲାଇରେ ୧୭ଜଣ ବିଧାୟକ ଇସ୍ତଫା ଦେଇଥିଲେ। ଏହା ମଧ୍ୟରୁ ୧୫ଟି ଆସନରେ ଗତ ଡିସେମ୍ବର 5 ତାରିଖରେ ଉପ ନିର୍ବାଚନ ଅନୁଷ୍ଠିତ ହୋଇଥିଲା। ତେବେ ଏହି ନିର୍ବାଚନରେ ରାଜ୍ୟରେ ସରକାରରେ ଥିବା ବିଜେପି ୧୨ଟି ଆସନରେ ବିଜୟୀ ହୋଇ ବହୁମତ ହାସଲ କରିଥିଲା। ସେହିପରି କଂଗ୍ରେସ କେବଳ 2ଟି ଆସନରେ ବିଜୟୀ ହୋଇଥିବା ବେଳେ ଜଣେ ସ୍ବାଧୀନ ବିଧାୟକ ନିର୍ବାଚିତ ହୋଇଥିଲେ । ସେପଟେ ଜେଡିଏସ ଗୋଟିଏ ଆସନରେ ମଧ୍ୟ ବିଜୟୀ ହୋଇପାରିନଥିଲା ।