12 ଯାତ୍ରୀଙ୍କୁ ନେଇ ପାକିସ୍ତାନ ଗଲା ସମଝୌତା ଏକ୍ସପ୍ରେସ

ଭାରତ-ପାକିସ୍ତାନ ଭିତରେ ମିତ୍ରତା ଦର୍ଶାଯାଉଥିବା ସମଝୌତା ଏକ୍ସପ୍ରେସ ରବିବାର 12 ଜଣ ଯାତ୍ରୀଙ୍କୁ ନେଇ ପାକିସ୍ତାନ ଯାତ୍ରା ଆରମ୍ଭ କରିଛି । ଏକ୍ସପ୍ରେସରେ ଥିବା ସମସ୍ତ ଯାତ୍ରୀ ପାକିସ୍ତାନର ।

ନୂଆଦିଲ୍ଲୀ: ଜମ୍ମୁ କାଶ୍ମୀର ଆତଙ୍କବାଦୀ ଆକ୍ରମଣ ପରେ 26 ତାରିଖରେ ଭାରତ ଓ ପାକିସ୍ତାନର ବାଲଘାଟ ଓ ବହାଲପୁରରେ ଏୟାର ଷ୍ଟ୍ରାଇକ ହୋଇଥିଲା । ଏହାପରେ ଏବେ ଦୁଇ ଦେଶ ମଧ୍ୟରେ ଲାଗିରହିଛି ଉତ୍ତେଜନା । ଏହି ସମୟରେ ଭାରତ-ପାକିସ୍ତାନ ଭିତରେ ମିତ୍ରତା ଦର୍ଶାଯାଉଥିବା ସମଝୌତା ଏକ୍ସପ୍ରେସ ରବିବାର 12 ଜଣ ଯାତ୍ରୀଙ୍କୁ ନେଇ ପାକିସ୍ତାନ ଯାତ୍ରା ଆରମ୍ଭ କରିଛି ।

ରେଳ ପ୍ରଶାସନ ସହ ଜଡିତ ଅଧିକାରୀଙ୍କ କହିବା ଅନୁସାରେ, ସମଝୌତା ଏକ୍ସପ୍ରେସରେ ଥିବା ସମସ୍ତ ଯାତ୍ରୀ ପାକିସ୍ତାନର । ନଅଟି ବଗି ଥିବା ଏହି ଟ୍ରେନ ଗୋଟିଏ ସପ୍ତାହରେ ଦୁଇଥର ଯାତ୍ରା କରିଥାଏ । ଅନ୍ୟପଟେ ରେଳ ସୁରକ୍ଷାବଳର ଇନସ୍ପେକ୍ଟର ମନୋଜ କୁମାର କହିଛନ୍ତି, ସମସ୍ତ ଯାତ୍ରୀ ପାକିସ୍ତାନର । ସେମାନଙ୍କର ସବୁ ଜିନିଷପତ୍ର ଭଲ ଭାବରେ ଯାଞ୍ଚ ପରେ ଯାତ୍ରା କରିବା ପାଇଁ ଅନୁମିତି ଦିଆଯାଇଛି ।

ଭାରତ-ପାକିସ୍ତାନ ଭିତରେ ବନ୍ଧୁତା ଜାରି ରଖିବା ପାଇଁ ଏହି ଏକ୍ସପ୍ରେସ ଚଳାଚଳ ଆରମ୍ଭ ହୋଇଛି । ଏହାପୂର୍ବରୁ ଅଟାରୀରୁ ଲାହୋର ପର୍ଯ୍ୟନ୍ତ ରେଳ ଚଳାଚଳ ହେଉଥିଲା ଏଥିଲାଗି ସମଝୌତା ଏକ୍ସପ୍ରେସ ଚଳାଚଳରେ କୌଣସି ବାଧା ଉପୁଜିନାହିଁ । ପାକିସ୍ତାନ ଉପରେ ଆକ୍ରମଣ ପରେ ଏହି ଏକ୍ସପ୍ରେସକୁ ଫେବୃୟାରୀ 28 ତାରିଖରେ ରଦ୍ଦ କରିଦିଆଯାଇଥିଲା ।