ସିରିଆ ବିସ୍ଫୋରଣ 12 ମୃତ

ଅଶାନ୍ତ ସିରିଆ । ବୋମା ବିସ୍ଫୋରଣରେ ସିରିଆରେ 12 ମୃତ । ସିରିଆ ସରକାରଙ୍କ ଦ୍ବାରା ହୋଇଥିବା ଏୟାରଷ୍ଚ୍ରାଇକରେ ଗୋଟିଏ ଦିନପରେ ଏହି ବିସ୍ଫୋରଣ କରାଯାଇଛି ।

ସିରିଆ: ସିରିଆରର ଆଲିପୋରେ ବିସ୍ଫୋରଣ । ଏହି ଭୟଙ୍କର ବିସ୍ଫୋରଣରେ 12 ଜଣଙ୍କ ମୃତ୍ୟୁ ହୋଇଛି । ତେବେ କେତେଜଣ ଆତଙ୍କବାଦୀ ଗୋଷ୍ଠୀ ସିରିଆର ଆଲୋପ ଅଞ୍ଚଳରେ ମୋର୍ଟାର ମାଡ କରିଥିଲେ । ବିସ୍ଫୋରଣ ପରେ ସିରିଆ ଆଲୋପ ସହରରେ ସୁରକ୍ଷା କର୍ମୀଙ୍କୁ ନିୟୋଜିତ କରାଯାଇଛି ।

ଖବର ଅନୁଯାୟୀ, ଗତକାଲି ସିରିଆ ସହରରେ ହୋଇଥିବା ଏୟାର ଷ୍ଟ୍ରାଇକର ଗୋଟିଏ ଦିନ ପରେ ଏହି ବିସ୍ଫୋରଣ କରାଯାଇଛି । ପୂର୍ବରୁ ହୋଇଥିବା ଏୟାରଷ୍ଟ୍ରାଇକରେ 7 ଜଣଙ୍କ ମୃତ୍ୟୁ ହୋଇଥିଲେ । ତେବେ 2011 ମସିହାରୁ ସିରିଆରେ ଯୁଦ୍ଧ ପରିସ୍ଥିତି ଲାଗି ରହିଛି ।

ଦେଶରେ ଲାଗି ରହିଥିବା ଏହି ଅଶାନ୍ତ ପରିସ୍ଥିତିରେ ଏବେ ସୁଦ୍ଧା 3 ଲକ୍ଷ 70 ହଜାର ଲୋକଙ୍କ ମୃତ୍ୟୁ ହେବା ସହ ଲକ୍ଷଲକ୍ଷ ଲୋକ ବାସହରା ହୋଇଛନ୍ତି । ଯେଉଁ ଆଡେ ଦେଖିବ ଖାଲି ଧ୍ବଂସର ତାଣ୍ଡବଲୀଳା ଦେଖିବାକୁ ମିଳିଥିଲା ।