ନୂଆଦିଲ୍ଲୀ: କୋଭିଡ 19 ପଜିଟିଭ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ପ୍ରତିଦିନ ହଜାର ହଜାର ଆକ୍ରାନ୍ତ ସ୍ପଷ୍ଟ ହେଉଛନ୍ତି । ତେବେ ଏହା ଭିତରେ ସାମାନ୍ୟ ଖୁସି ଖବର ଆସିଛି । ପ୍ରାୟ ଏକ ମାସ ହେବ ଦେଶର 12ଟି ଜିଲ୍ଲାରେ କୋଭିଡ 19 କେସ ଶୂନ ରହିଛି ।
ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏନେଇ ସୂଚନା ଦିଆଯାଇଛି । ମୋଟ 12ଟି ଜିଲ୍ଲାରେ ଗତ 28 ଦିନ କିମ୍ବା ଅଧିକ ଦିନ ହେବ କୌଣସି ସକ୍ରିୟ ମାମଲା ବାହାରିନାହିଁ । ଏସମସ୍ତ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ଶୂନ ରହିଛି । ସେହିପରି ଶେଷ 14 ଦିନ ହେବ 23ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୋଟ 78ଟି ଜିଲ୍ଲାରେ କୋଭିଡ 19 ପଜିଟିଭ ବାହାରିନାହାନ୍ତି ।