ନୂଆଦିଲ୍ଲୀ:ପୁଣି ଡରାଉଛି କୋରୋନା ଭାଇରସ । ବ୍ରିଟେନରୁ ଫେରିଥିବା 11 ଯାତ୍ରୀ କୋରୋନା ସଂକ୍ରମିତ ହୋଇଥିବା ସୂଚନା ମିଳିଛି । ଆଜି(ବୁଧବାର) ବ୍ରିଟେନ ଫେରନ୍ତାଙ୍କ ମଧ୍ୟରୁ ଦିଲ୍ଲୀରେ 6 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ମଙ୍ଗଳବାର 5ଶହରୁ ଅଧିକ ଲୋକ ବ୍ରିଟେନରୁ ଫେରିଥିଲେ। ଦିଲ୍ଲୀ ଏୟାରପୋର୍ଟରେ ପହଞ୍ଚିବା ପରେ ଯାତ୍ରୀଙ୍କ ଆରଟି-ପିସିଆର ଟେଷ୍ଟ ହୋଇଥିଲା ।
ଆରଟି-ପିସିଆର ଟେଷ୍ଟ ବେଳେ ମଙ୍ଗଳବାର 5 ଜଣ କୋରୋନା ସଂକ୍ରମିତ ହୋଇଥିଲେ । ଆଜି(ବୁଧବାର) 6 ଜଣ କୋରୋନା ସଂକ୍ରମିତ ଚିହ୍ନଟ ହେବାପରେ ଏହି ସଂଖ୍ୟା 11ରେ ପହଞ୍ଚିଛି । କୋରୋନା ସଂକ୍ରମିତଙ୍କ ନମୁନା ରୋଗ ନିୟନ୍ତ୍ରଣ ପାଇଁ କେନ୍ଦ୍ର (center for disease control)କୁ ପଠାଯାଇଛି । ଏମାନେ ନୂଆ ଷ୍ଟ୍ରେନ କୋରୋନା ସଂକ୍ରମିତ ହୋଇଛନ୍ତି କି ନାହିଁ ସେନେଇ ପରୀକ୍ଷା କରାଯିବ।