ହାଇଦ୍ରାବାଦ: ଲଗାଣ ବର୍ଷା ପାଇଁ ଭୁଶୁଡିଲା ପାଚେରୀ । ଏଥିରେ ଜଣେ ଶିଶୁ ସମେତ 9 ଜଣଙ୍କ ମୃତ୍ୟୁ ହୋଇଛି । ହାଇଦ୍ରାବାଦ ସହରର ବନ୍ଦଲାଗୁଡ଼ା ଅଞ୍ଚଳରେ ଏଭଳି ଏକ କରୁଣ ଚିତ୍ର ସାମ୍ନାକୁ ଆସିଛି । ଏହାସହ ଘଟଣାସ୍ଥଳରେ 3 ଜଣ ଗୁରୁତର ଆହତ ହୋଇଥିବା ନେଇ ସୂଚନା ମିଳିଛି । ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଲୋକଙ୍କୁ ଉଦ୍ଧାର କରିଥିଲା । ଘଟଣା ନେଇ ହାଇଦ୍ରାବାଦ ସାଉଥ ଜୋନ ଡିସିପି ଗଜରାଜ ଭୁପାଲ କହିଛନ୍ତି ଯେ, "ପ୍ରବଳ ବର୍ଷା ଯୋଗୁଁ ମହମ୍ମଦ ହିଲ ଅଞ୍ଚଳରେ ଏକ ପାଚେରୀ ଭୁଶୁଡିଛି । ପାଚେରୀଟି ଏକ ଘର ଉପରେ ଖସି ପଡ଼ିବା ଯୋଗୁଁ 9 ଜଣଙ୍କ ମୃତ୍ୟୁ ଘଟିଛି । 3 ଜଣ ଗୁରୁତର ହୋଇଛନ୍ତି । ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।"