ଲକ୍ଷ୍ନୌ: କ୍ବାରେଣ୍ଟାଇନ ସେଣ୍ଟରରେ 10 ମାସ ଶିଶୁର ମୃତ୍ୟୁ । ଗତ ଶୁକ୍ରବାର ଉତ୍ତରପ୍ରଦେଶ ସିଦ୍ଧାର୍ଥନଗର ଜିଲ୍ଲାର ଉସ୍କା ବଜାର ଅଞ୍ଚଳରେ ଏକ ପ୍ରାଥମିକ ବିଦ୍ୟାଳୟରେ ଗଠିତ ହୋଇଥିବା କ୍ବାରେଣ୍ଟାଇନ ସେଣ୍ଟରରେ ଏକ 10 ମାସ ଶିଶୁ କନ୍ୟାର ମୃତ୍ୟୁ ଘଟିଛି।
ତେବେ ଶିଶୁଟିକୁ ଆମ୍ବୁଲାନ୍ସରେ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିବା ଜଣେ ବରିଷ୍ଠ ଅଧିକାରୀ କହିଛନ୍ତି । ତେବେ ଶିଶୁଙ୍କ ପରିବାର ଲୋକ ବାହାରୁ ଆସିଥିବାରୁ ତାଙ୍କୁ ବିଦ୍ୟାଳୟରେ ଗଠିତ ହୋଇଥିବା କ୍ବାରେଣ୍ଟାଇନ ସେଣ୍ଟରରେ ରହିବାକୁ କୁହାଯାଇଥିବା ନେଇ ସୂଚନା ଦେଇଛନ୍ତି ସିଦ୍ଧାର୍ଥନଗର ଡିଏମ ଦୀପକ ମୀନା ।
ଏଥିସହ ସେ କହିଛନ୍ତି, ଗତ ଗୁରୁବାର ସନ୍ଧ୍ୟାରେ ଶିଶୁର ପିତା କହିଥିଲେ ଯେ ଶିଶୁଟିର ସ୍ବାସ୍ଥ୍ୟାବସ୍ଥା ଖରାପ ଥିବାବେଳେ ଶିଶୁଠାରେ ମିଳିମିଳା ଲକ୍ଷଣ ଦେଖାଯାଉଛି । ଏହାପରେ ତାଙ୍କ ପରିବାର ଲୋକ ପରଦିନ ସକାଳେ ଆମ୍ବୁଲାନ୍ସକୁ ଡାକି ଶିଶୁଟିକୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରିଥିଲେ । ଯେଉଁଠାରେ ଡାକ୍ତରମାନେ ଶିଶୁଟିକୁ ମୃତ ଘୋଷଣା କରିଥିଲେ।
ତେବେ ଶିଶୁର ପିତାମାତା ମୁମ୍ବାଇରୁ ଆସିଥିଲେ ଏବଂ ମାର୍ଚ୍ଚ 29 ତାରିଖରୁ କ୍ୟାଣ୍ଟିନ୍ ସେଣ୍ଟରରେ ଥିଲେ । ଉକ୍ତ ପରିବାର ଗତ 13 ଦିନ ହେବ ବିଦ୍ୟାଳୟରେ ରହିଥିଲେ । ଗତ ଶୁକ୍ରବାର ସେମାନଙ୍କର ଶେଷ ଦିନ ଥିଲା । ଏପଟେ ପରିବାର ଲୋକ ଗାଁରେ ଶିଶୁଟର ସମାଧି ଦେଇଥିଲେ ଏବଂ ମୁଁ ତାଙ୍କ ଗାଁକୁ ଯାଇ ପରିବାର ଲୋକଙ୍କୁ ଭେଟିଥିବା ଡିଏମ୍ କହିଛନ୍ତି।
