ଆତଙ୍କବାଦୀଙ୍କ ଯୋଜନା ପଣ୍ଡ, ସହଯୋଗୀ ସହ ଜଣେ ଗିରଫ

ପୁଣି ସେନା ହାତରେ ଧରା ପଡିଲେ ଆଉ ଦୁଇ ଆତଙ୍କବାଦୀ । ଗିରଫଙ୍କ ମଧ୍ୟରେ ଜଣେ ଆତଙ୍କବାଦୀ ଥିବାବେଳେ ଅନ୍ୟ ଜଣେ ଓଭର ଗ୍ରାଉଣ୍ଡ ଓ୍ବାର୍କର ବୋଲି ଜଣା ପଡିଛି । ପଢନ୍ତୁ ଅଧିକ....

ଶ୍ରୀନଗର: ପୁଣି ସେନା ହାତରେ ଧରା ପଡିଲା ଆଉ ଜଣେ ଆତଙ୍କବାଦୀ ଓ ତାର ଜଣେ ସହଯୋଗୀ । ଗିରଫଙ୍କ ମଧ୍ୟରେ ଜଣେ ହାର୍ଡକୋର ଆତଙ୍କବାଦୀ ଥିବାବେଳେ ଅନ୍ୟ ଜଣେ ଓଭର ଗ୍ରାଉଣ୍ଡ ଓ୍ବାର୍କର ବୋଲି ଜଣା ପଡିଛି । କାଶ୍ମୀର ପୋଲିସ ଓ ଭାରତୀୟ ସେନାର ମିଳିତ ଅପରେସନରେ ଏହି ସଫଳତା ମିଳିଛି । ସେମାନଙ୍କ ଠାରୁ ବିପୁଳ ପରିମାଣର ଅତ୍ୟାଧୁନିକ ମାରାଣାସ୍ତ୍ର ଓ ଗୁଳିଗୋଳା ମଧ୍ୟ ଜବତ କରିଛି ସେନା । ଉଭୟଙ୍କୁ ସେନା ହେପାଜତକୁ ନେଇଥିବା ବେଳେ ସେମାନଙ୍କୁ ପଚରାଉଚରା ଆରମ୍ଭ କରିଛି ।

ପ୍ରାଥମିକ ତଦନ୍ତରୁ ମିଳିଥିବା ସୂଚନା ଅନୁସାରେ ସେମାନେ ସ୍ଥାନୀୟ ଅଞ୍ଚଳରେ ଥିବା ଧାର୍ମିକ ଅନୁଷ୍ଠାନରେ ଆକ୍ରମଣ କିମ୍ବା ବିସ୍ଫୋରଣ କରିବାର ଯୋଜନା କରୁଥିବା ଜଣା ପଡିଛି । ସେନାର ଏପରି ସଫଳତା ଫଳରେ କୌଣସି ଏକ ବଡ ଧରଣର ଆତଙ୍କୀ ହାମଲାକୁ ପଣ୍ଡ କରାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ