ଭାରତ ବାୟୋଟେକ ପ୍ରସ୍ତୁତ iNCOVACC ଭ୍ୟାକ୍ସିନକୁ ମିଳିଲା ଜରୁରୀକାଳୀନ ବ୍ୟବହାର ଅନୁମତି

ଭାରତ ବାୟୋଟେକ ପ୍ରସ୍ତୁତ ଇଣ୍ଟ୍ରାନାଜାଲ ଭ୍ୟାକ୍ସିନ iNCOVACCକୁ ଜରୁରୀକାଳୀନ ବ୍ୟବହାର ଅନୁମତି । ପ୍ରେସ ରିଲିଜ ଜାରି କରି ସୂଚନା ଦେଲା ସଂସ୍ଥା । ଅଧିକ ପଢନ୍ତୁ

ହାଇଦ୍ରାବାଦ:ଦେଶର ଅଗ୍ରଣୀ ଟିକା ଉତ୍ପାଦନକାରୀ ଫାର୍ମା କମ୍ପାନୀ ଭାରତ ବାୟୋଟେକକୁ ପୁଣି ଏକ ସଫଳତା । ସଂସ୍ଥା ଦ୍ବାରା ପ୍ରସ୍ତୁତ ଇଣ୍ଟ୍ରାନାଜାଲ ଭ୍ୟାକ୍ସିନ ‘‘iNCOVACC’’ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିଛି । ଏବେ 18 ବର୍ଷର ଅଧିକ ବ୍ୟକ୍ତିବିଶେଷଙ୍କ କ୍ଷେତ୍ରରେ ଏହାକୁ ବ୍ୟବହାର କରାଯାଇପାରିବ ।

ଏହି ଇଣ୍ଟ୍ରାନାଜାଲ ଟିକାକୁ (iNCOVACC )18 ବର୍ଷରୁ ଅଧିକ ବୟସ୍କଙ୍କ ପାଇଁ ବ୍ୟବହାର କରାଯାଇ ପାରିବା ନେଇ ଡ୍ରଗ୍ସ ନିୟନ୍ତ୍ରକ ସଂସ୍ଥା ପକ୍ଷରୁ ଅନୁମତି ମିଳିଛି । ଏନେଇ ଭାରତ ବାୟୋଟେକ ଏକ ପ୍ରେସ୍‌ ରିଲିଜ ଜାରି କରି ସୂଚନା ଦେଇଛି । ଏକାଧିକ ପର୍ଯ୍ୟାୟର କ୍ଲିନିକାଲ ଟେଷ୍ଟ ସଫଳ ହେବା ପରେ ଏହାକୁ ବ୍ୟବହାରିକ ଅନୁମତି ମିଳିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ