କୋଲକାତା: ପଶ୍ଚିମବଙ୍ଗରେ ଆଜି ଅଷ୍ଟମ ପର୍ଯ୍ୟାୟ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ଚାଲିଛି । ଏହି ସମୟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ମହିଳା ସାମ୍ବାଦିକାଙ୍କୁ ସୁରକ୍ଷା ବାହୀନି ଧକ୍କା ମାରିବା ସହିତ ତାଙ୍କୁ ପିଟିଥିବା ଅଭିଯୋଗ ହୋଇଛି ।
ସାମ୍ବାଦିକଙ୍କ ଉପରକୁ ସୁରକ୍ଷାକର୍ମୀଙ୍କ ଆକ୍ରମଣ
ସୂଚନାଅନୁସାରେ, ତୃଣମୂଳ କଂଗ୍ରେସର ପ୍ରାର୍ଥୀ ଅମିତ ଘୋଷ ବେଲଘାଚିଆର ମୋହିତ ମୈତ୍ର ମଞ୍ଚକୁ ଆସିଥିଲେ । ସେଠାରେ କିପରି ଚାଲିଛି ଭୋଟ ଗ୍ରହଣ ତାହା ତଦାରଖ କରିବାକୁ ଆସିଥିଲେ । ସେହି ସମୟରେ ବୁଥରେ କିପରି ଭୋଟ ଚାଲିଛି ଏ ନେଇ ପ୍ରାର୍ଥୀଙ୍କୁ ପଚାରିଥିଲେ ସାମ୍ବାଦିକ । ହଠାତ୍ ସେହି ସମୟରେ ସୁରକ୍ଷାବାହୀନି ସାମ୍ବାଦିକଙ୍କ ଉପରକୁ ଆକ୍ରମଣ କରିଥିଲେ । ଏହା ସହିତ ମହିଳା ସାମ୍ବାଦିକ ଓ ଫଟୋ ସାମ୍ବାଦିକଙ୍କୁ ବାଡିରେ ବାଡେଇବାର ଦେଖିବାକୁ ମିଳିଥିଲା ।