କୋଲକାତା: ପଶ୍ଚିମବଙ୍ଗରେ ଥମିବାର ନାଁ ଧରୁନି ରାଜନୈତିକ ହିଂସା । କେତେବେଳେ ବିଜେପି କର୍ମୀଙ୍କ ଉପରେ ଟିଏମସି କର୍ମୀ ଆକ୍ରମଣ କରୁଛନ୍ତି ତ ଆଉ କେତେବେଳେ କର୍ମୀଙ୍କ ଗାଡି ଭାଙ୍ଗୁଛନ୍ତି । ରବିବାର ଦିନ ବିଜେପି ବିଧାୟକ ଦିବାକର ଗରାମିଙ୍କୁ ଟିଏମସି କର୍ମୀ ଆକ୍ରମଣ କରିଥିବା ଅଭିଯୋଗ ହୋଉଛି । ବାଙ୍କୁରା ଜିଲ୍ଲାର ମାଣିକବାଜାର ପଞ୍ଚାୟତ ଅଞ୍ଚଳରେ ତାଙ୍କୁ ଆକ୍ରମଣ ହୋଇଥିବା ସୂଚନା ମିଳିଛି ।
ଏନେଇ ବିଳମ୍ବିତ ରାତିରେ ଟ୍ବିଟ କରି ପଶ୍ଚିମବଙ୍ଗ ବିଧାନସଭାର ବିରୋଧୀଦଳର ନେତା ଶୁଭେନ୍ଦୁ ଅଧିକରୀ କରିଛନ୍ତି ଯେ, ସୋନମୁଖୀ ବିଧାୟକ ଦିବାକର ଗରାମିଙ୍କୁ ମାଣିକବାଜାର ପଞ୍ଚାୟତ ଅଞ୍ଚଳରେ ଟିଏମସି ଗୁଣ୍ଡଙ୍କ ଦ୍ବାରା ଆକ୍ରମଣ କରିଥିଲେ । ତାଙ୍କ ସହ ଥିବା 7 ଜଣ ଦଳୀୟ ସଦସ୍ୟ ମଧ୍ୟ ଗୁରୁତର ହୋଇଥିଲେ । ଏବଂ ସେମାନଙ୍କୁ ବାଙ୍କୁରା ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।