ଲକ୍ଷ୍ନୌ:ଉତ୍ତର ପ୍ରଦେଶରେ ଆଜି ଚତୁର୍ଥ ପର୍ଯ୍ୟାୟ ମତଦାନ ଶେଷ ହୋଇଛି । ସନ୍ଧ୍ୟା ୬ଟା ସୁଦ୍ଧା ରାଜ୍ୟରେ ୫୯.୭୦ ପ୍ରତିଶତ ଭୋଟିଂ ରେକର୍ଡ ହୋଇଛି । ଜିଲ୍ଲାଓ୍ବାରୀ ମତଦନ ତଥ୍ୟକୁ ବିଚାରକୁ ନେଲେ ବହୁଚର୍ଚ୍ଚିତ ଲକ୍ଷ୍ମୀପୁର ଖେରୀ ସନ୍ଧ୍ୟା ୫ସୁଦ୍ଧା ସର୍ବାଧିକ ଭୋଟିଂ ରେକର୍ଡ କରାଯାଇଛି । ସେହପରି ଦ୍ବିତୀୟ ସ୍ଥାନରେ ପିଲିଭିତ ରହିଛି । ଆଜି (୪ର୍ଥ) ପର୍ଯ୍ୟାୟରେ ମୋଟ 59ଟି ବିଧାନସଭା ଆସନ ପାଇଁ ଭୋଟ ଗ୍ରହଣ ହୋଇଥଲା ।
ସକାଳ ୭ରୁ ମତଦାନ ପ୍ରକ୍ରିୟା ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ ଟାରେ ଭୋଟିଂ ଶେଷ ହୋଇଛି । ଭୋଟିଂ ପାଇଁ ବ୍ୟାପକ ସବ୍ୟସ୍ଥା ମଧ୍ୟ କରାଯାଇଥିଲା । ସୁରକ୍ଷାକୁ କଡାକଡି କରିବା ସହ ବୁଥ ଉପରେ ନଜର ରଖିଥିଲେ ସଶସ୍ତ୍ର ସୁରକ୍ଷା ବଳ । ପ୍ରାୟତଃ ଶାନ୍ତି ଶୃଙ୍ଖଳାର ସହ ଭୋଟିଂ ଶେଷ ହୋଇଥିବା ବେଳେ ରାଜ୍ଯର କୌଣସି ସ୍ଥାନରୁ ବଡ ଧରଣର ହିଂସାର ଖବର ସାମ୍ନାକୁ ଆସିନାହିଁ ।