ଲକ୍ଷ୍ନୌ:ମଧ୍ୟ ପ୍ରଦେଶବାଗେଶ୍ୱର ଧାମ ପ୍ରମୁଖ ଧିରେନ୍ଦ୍ର କୃଷ୍ଣ ଶାସ୍ତ୍ରୀ ଆଜି (ବୁଧବାର) ଉତ୍ତର ପ୍ରଦେଶର ଆଧ୍ୟାତ୍ମିକ ସହର ମଥୁରାରେ ପହଞ୍ଚିଛନ୍ତି । ମଥୁରାର ପ୍ରିୟଙ୍କାଜୁ ମନ୍ଦିରରେ ସେ ପୂଜାର୍ଚ୍ଚନା କରିଛନ୍ତି । ଏଠାରେ ସେ ମନ୍ଦିରରେ କଥା ପ୍ରବକ୍ତା ଦେବକିନନ୍ଦନ ମହାରାଜଙ୍କ ସହ ପୂଜାର୍ଚ୍ଚନା କରିବା ସହ ଶିବଲିଙ୍ଗରେ ଜଳାଭିଷେକ ମଧ୍ୟ କରିଥିଲେ । ଏହି ସମୟରେ ସେ ଗଣମାଧ୍ୟମ ପ୍ରତିନିଧିଙ୍କ ସହ ମଧ୍ୟ ଆଲୋଚନା କରିଛନ୍ତି । ମଥୁରାର ପ୍ରସିଦ୍ଧ କୃଷ୍ଣ ଜନ୍ମଭୂମି ପ୍ରସଙ୍ଗରେ ସେ ବଡ ବୟାନ ମଧ୍ୟ ଦେଇଛନ୍ତି । ଖୁବଶିଘ୍ର ମଥୁରା ସ୍ଥିତ କୃଷ୍ଣ ଜନ୍ମଭୂମିରେ ମନ୍ଦିର ନିର୍ମାଣ ହେବ ଓ ସେଥିପାଇଁ ସମସ୍ତ ପ୍ରୟାସ ଜାରି ରହିଛି ବୋଲି କହିଛନ୍ତି ଧିରେନ୍ଦ୍ର ଶାସ୍ତ୍ରୀ ।
ଗଣମାଧ୍ୟମ ଦ୍ୱାରା ବାଗେଶ୍ୱର ଧାମ ପ୍ରମୁଖ ଧିରେନ୍ଦ୍ର ଶାସ୍ତ୍ରୀଙ୍କୁ ପଚରାଯାଇଥିଲା ଯେ, ମନ୍ଦିର ନିର୍ମାଣ ପାଇଁ କୃଷ୍ଣଙ୍କ ଭକ୍ତମାନଙ୍କୁ ଆଉ କେତେ ସମୟ ଅପେକ୍ଷା କରିବାକୁ ପଡ଼ିବ । ଏହା ଉପରେ ସେ କହିଥିଲେ, ଯେ ଖୁବ୍ ଶିଘ୍ର ମନ୍ଦିର ନିର୍ମାଣ ହେବ । ଭକ୍ତମାନେ ଭଗବାନ କୃଷ୍ଣଙ୍କୁ ପୂଜା କରିବାର ସୌଭାଗ୍ୟ ପାଇବେ । ଏଥିପାଇଁ ସମସ୍ତେ କାର୍ଯ୍ୟରେ ନିୟୋଜିତ ରହିଛନ୍ତି । ଖୁବ ଶିଘ୍ର ଏହି ମନ୍ଦିର ନିର୍ମାଣ ହେବାକୁ ଯାଉଛି । ସେହିପରି ଏହି ମନ୍ଦିର ନିର୍ମାଣରେ ତାଙ୍କର ଭୂମିକା କଣ ରହିବ ପ୍ରଶ୍ନରେ ସେ କହିଥିଲେ, ସେ କହିଥିଲେ ‘‘ମୁଁ ସମ୍ପୂର୍ଣ୍ଣ ସହଯୋଗ କରିବି । ସହଯୋଗ କରିବା ଧାଡିରେ ମୁଁ ଆଗରେ ରହିବି । ବର୍ତ୍ତମାନ ସମସ୍ତ କୃଷ୍ଣ ଭକ୍ତ ଜାଗ୍ରତ ଅଛନ୍ତି । ସନାତନୀ ହିନ୍ଦୁମାନେ ଜାଗ୍ରତ ହେଉଛନ୍ତି । ସମସ୍ତେ ଏକତ୍ରିତ ମଧ୍ୟ ହେଉଛନ୍ତି । ଖୁବ ଶିଘ୍ର ମନ୍ଦିର ନିର୍ମାଣ ହେବାକୁ ଯାଉଛି ।’’