ହାଇଦ୍ରାବାଦ:ପରଲୋକରେ ରାମୋଜୀ ଫିଲ୍ମ ସିଟି (RFC)ର ପୂର୍ବତନ ପରିଚାଳନା ନିର୍ଦ୍ଦେଶକ ଅଟଲୁରୀ ରାମମୋହନ ରାଓ । 87 ବର୍ଷ ବୟସରେ ଚିକିତ୍ସାଧୀନ ଅବସ୍ଥାରେ ତାଙ୍କର ଆଜି (ଶନିବାର) ଦେହାନ୍ତ ହୋଇଛି (Atluri Rammohan Rao passes away) । ସେ ବାର୍ଦ୍ଧକ୍ୟଜନିତ ଅସୁସ୍ଥତା ପାଇଁ ହାଇଦ୍ରାବାଦର ଏଆଇଜି ହସ୍ପିଟାଲରେ ଗତ କିଛି ଦିନ ହେବ ଚିକିତ୍ସାଧୀନ ଥିଲେ । ତେବେ ଆସନ୍ତାକାଲି ତାଙ୍କର ଶେଷକୃତ୍ୟ ସମ୍ପନ୍ନ ହେବ ।
1935 ମସିହାରେ ଅବିଭକ୍ତ ଆନ୍ଧ୍ର ପ୍ରଦେଶର କ୍ରିଷ୍ଣା ଜିଲ୍ଲାର ପେଦାପାରୁପୁଦି ଠାରେ ଜନ୍ମଗ୍ରହଣ କରିଥିଲେ ରାଓ । ସେ 1975 ରେ ରାମୋଜୀ ଗ୍ରୁପର ଇନାଡୁରେ ନିଜ କ୍ୟାରିୟର ଆରମ୍ଭ କରିଥିଲେ । ପରେ ରାମୋଜୀ ଗୃପ ଅଫ କମ୍ପାନୀ ସହ ଦୀର୍ଘଦିନ ଧରି କାମ କରିବା ସହ ରାମୋଜୀ ଫିଲ୍ମସିଟିର ପରିଚାଳନା ନିର୍ଦ୍ଦେଶକ ଭାବେ ମଧ୍ୟ କାର୍ଯ୍ୟଭାର ସମ୍ଭାଳି ଥିଲେ । ରାମୋଜୀ ଗୃପର ମୁଖ୍ୟ ସି. ରମୋଜୀ ରାଓଙ୍କର ସେ ବାଲ୍ୟବନ୍ଧୁ ମଧ୍ୟ ଥିଲେ ।