ଅମିତାଭ-ଅକ୍ଷୟଙ୍କୁ ସୁଟିଂରେ ସହଯୋଗ କରିବୁ କହି ଚ୍ୟାଲେଞ୍ଜ ଦେଲେ ଅଠାୱଲେ

କେନ୍ଦ୍ରମନ୍ତ୍ରୀ ତଥା ରିପବ୍ଲିକାନ୍ ପାର୍ଟି ଅଫ୍ ଇଣ୍ଡିଆ ମୁଖ୍ୟ ରାମଦାସ ଅଠାୱଲେ ମହାରାଷ୍ଟ୍ର କଂଗ୍ରେସ ସଭାପତି ନାନା ପଟୋଲେଙ୍କୁ ସମାଲୋଚନା କରିଛନ୍ତି । ମହାରାଷ୍ଟ୍ର ପ୍ରଦେଶ କଂଗ୍ରେସ ସଭାପତିଙ୍କ ବଲିଉଡ ଅଭିନେତା ଅମିତାଭ ବଚ୍ଚନ ଏବଂ ଅକ୍ଷୟ କୁମାରଙ୍କ ସହ ଫିଲ୍ମ ସୁଟିଂ ପାଇଁ ଅନୁମତି ପ୍ରତ୍ୟାହାର ଧମକ ପରେ ବର୍ଷିଛନ୍ତି ଅଠାୱଲେ । ଅଧିକ ପଢନ୍ତୁ...

ମୁମ୍ବାଇ: ମହାରାଷ୍ଟ୍ର ପ୍ରଦେଶ କଂଗ୍ରେସ ସଭାପତି ନାନା ପଟୋଲେଙ୍କୁ ସମାଲୋଚନା କରିଛନ୍ତି କେନ୍ଦ୍ରମନ୍ତ୍ରୀ ରାମଦାସ ଅଠାୱଲେ । ମହାରାଷ୍ଟ୍ରରେ ଅମିତାଭ ବଚ୍ଚନ ଓ ଅକ୍ଷୟ କୁମାରଙ୍କ ଫିଲ୍ମ ସୁଟିଂରେ ସହଯୋଗ କରିବୁ କହି କଂଗ୍ରେସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି ଅଠାୱଲେ । କିଛିଦିନ ପୂର୍ବରୁ ପ୍ରଦେଶ କଂଗ୍ରେସ ସଭାପତି ବିଗ ବି ଓ ଅକ୍ଷୟ କୁମାରଙ୍କୁ ମହାରାଷ୍ଟ୍ରରେ ଫିଲ୍ମ ସୁଟିଂ ପାଇଁ ଅନୁମତି ନ ଦିଆଯିବାକୁ ଧମକ ଦେଇଥିଲେ । ଦେଶରେ ତୈଳ ବୃଦ୍ଧି ଘଟିବା ପରେ ବି ଏହି ଦୁଇ ଅଭିନେତାଙ୍କ ନୀରବତାକୁ ନେଇ ମହାରାଷ୍ଟ୍ର କଂଗ୍ରେସ ପ୍ରଶ୍ନ ଉଠାଇଥିଲେ ।

ପୂର୍ବରୁ ୟୁପିଏ ତଥା ମନମୋହନ ସିଂଙ୍କ ସରକାର ସମୟରେ ଅମିତାଭ ଓ ଅକ୍ଷୟ ତୈଳ ଦର ବୃଦ୍ଧିକୁ ନେଇ ଟ୍ବିଟ କରିଥଲେ । ମାତ୍ର ଏବେ ଏହି ମାମଲାରେ ବଲିଉଡର ଏହି ଦୁଇ ଷ୍ଟାର ଚୁପ ଥିବାରୁ କ୍ଷୋଭ ପ୍ରକାଶ କରିଥିଲେ ନାନା ପଟୋଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ