ନୂଆଦିଲ୍ଲୀ: ଶନିବାର ପଶ୍ଚିମବଙ୍ଗ ଏବଂ ଆସାମରେ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଆରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୋଟରଙ୍କୁ ରେକର୍ଡ ସଂଖ୍ୟାରେ ଭୋଟ୍ ଦେବାକୁ ଅନୁରୋଧ କରିଛନ୍ତି । ପ୍ରଧାନମନ୍ତ୍ରୀ ମୋଦି ଟ୍ବିଟ କରି କହିଛନ୍ତି, ‘ଆଜି ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ଆରମ୍ଭ ହୋଇଛି। ମୁଁ ଆଜି ଭୋଟ୍ ଗ୍ରହଣ କରୁଥିବା ସମସ୍ତ ଲୋକଙ୍କୁ ଅନୁରୋଧ କରିବି ଯେ ରେକର୍ଡ ସଂଖ୍ୟାରେ ଭୋଟ୍ ଦିଅନ୍ତୁ’ ।
ସେ ଆହୁରୀ ମଧ୍ୟ କହିଛନ୍ତି, ‘ଆସାମରେ ପ୍ରଥମ ପର୍ଯ୍ୟାୟ ନିର୍ବାଚନ ଆରମ୍ଭ ହୋଇଛି। ରେକର୍ଡ ସଂଖ୍ୟାରେ ଭୋଟ୍ ଦେବାକୁ ଅନୁରୋଧ କରୁଛି। ମୁଁ ମୋର ଯୁବ ବନ୍ଧୁମାନଙ୍କୁ ଭୋଟ୍ ଦେବାକୁ ଆହ୍ବାନ କରୁଛି ’ । ପ୍ରଥମ ପର୍ଯ୍ୟାୟରେ ପଶ୍ଚିମବଙ୍ଗର ବାଙ୍କୁରା, ପୁରଲିଆ, ଝାଡଗ୍ରାମ, ପଶ୍ଚିମ ଏବଂ ପୂର୍ବ ମିଦନାପୁର ଜିଲ୍ଲାର 30 ଟି ଆସନରେ ଭୋଟ୍ ଗ୍ରହଣ କରାଯିବ।