ଜୟପୁର: ଆଜି ରାଜସ୍ଥାନ ବିଧାନସଭାରେ ଚାଲିଥିଲା ବଜେଟ ଉପସ୍ଥାପନ । ବଜେଟ ଉପସ୍ଥାପନ କରୁଥିଲେ ମୁଖ୍ୟମନ୍ତ୍ରୀ ଅଶୋକ ଗେହଲଟ । ହେଲେ ବଜେଟ ଭାଷଣ ଆରମ୍ଭ କରିବା ବେଳେ ମୁଖ୍ୟମନ୍ତ୍ରୀ ଭୁଲବଶତଃ କିଛି ମିନିଟ୍ ପଢିଥିଲେ ଗତବର୍ଷର ବଜେଟ । ଗତବର୍ଷ ଠାରୁ କାର୍ଯ୍ୟକାରୀ ହୋଇସାରିଥିବା ସହର ବିକାଶ ଯୋଜନା ଭଳି କେତେକ ଉନ୍ନୟନମୂଳକ ଯୋଜନା ଘୋଷଣା କରିଥିଲେ । ଏହା ଜଣାପଡିବା ପରେ ବିଧାନସଭାରେ ବିରୋଧି ମୁଖ୍ୟମନ୍ତ୍ରୀଙ୍କୁ ଉପହାସ କରିବା ସହ ଗୃହରେ ହଙ୍ଗାମା କରିଛନ୍ତି ।
ମୁଖ୍ୟମନ୍ତ୍ରୀ ଗେହଲଟ ନିଜ ଭୁଲ ପାଇଁ କ୍ଷମା ମାଗିଥିଲେ ହେଁ ବିରୋଧି ଶାନ୍ତ ହୋଇନଥିଲେ । ୫ ମିନିଟ୍ ଯାଏଁ ବିରୋଧି ଦଳ ନେତା ହୋହଲ୍ଲା କରିଥଲେ । ପ୍ରବଳ ହଟ୍ଟଗୋଳ ଯୋଗୁଁ ଶେଷରେ ଅଧା ଘଣ୍ଟା ଯାଏଁ ଗୃହକାର୍ଯ୍ୟ ସ୍ଥଗିତ ରଖାଯାଇଛି । ବଜେଟ ଭଳି ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ଏଭଳି ଦାୟିତ୍ବହୀନତାକୁ ନେଇ ଏବେ ଚାରିଆଡେ ଚର୍ଚ୍ଚା ଜୋର ଧରିଛି ।