ଜୟପୁର: ରାଜସ୍ଥାନ ପୁଷ୍କରର କର୍ଣ୍ଣଲ କିରୋଡି ସିଂ ବୈସଲାସ୍ଥିତ ଅନ୍ତିମ ଯାତ୍ରା କାର୍ଯ୍ୟକ୍ରମରେ ସାମିଲ ହେବାକୁ ପହଞ୍ଚିଥିଲେ ରାଜସ୍ଥାନ କ୍ରୀଡା ମନ୍ତ୍ରୀ ଅଶୋକ ଚାନ୍ଦନା । ଏହି ସମୟରେ ତାଙ୍କୁ କେବଳ ବିରୋଧୀଙ୍କ ସାମ୍ନା ନୁହେଁ ବରଂ ଭିଡରେ ଥିବା ଲୋକ ତାଙ୍କୁ ଜୋତା ଉଠାଇଥିବା ଦେଖିବାକୁ ମିଳିଥିଲା । ଏହା ମଞ୍ଚ ଉପରକୁ ବୋତଲ ମାଡ ଫିଙ୍ଗା ହୋଇଥିଲା । ଏହାରେ ମନ୍ତ୍ରୀ ଅଶୋକ ଚାନ୍ଦନା ରାଗି ଯାଇଥିଲେ । ଘଟଣାକୁ ନେଇ ସିଧା ସିଧା ସଚିନ ପାଇଲଟଙ୍କୁ ନିଶାନା କରିଛନ୍ତି ମନ୍ତ୍ରୀ ଅଶୋକ ଚାନ୍ଦନା । ଏ ଘଟଣା ପାଇଁ ସଚିନ ପାଇଲଟ ହିଁ ଦାୟୀ ବୋଲି କହି ତାଙ୍କୁ ଚେତାବନୀ ଦେଇଛନ୍ତି କ୍ରୀଡା ମନ୍ତ୍ରୀ ।
ଏହି ସମୟରେ ଅଶୋକ ମଞ୍ଚ ଉପରେ ରାଗି ନିଆଁ ହୋଇଥିବା ଭିଡିଓରେ ଦେଖିବାକୁ ମିଳିଛି । ଘଟଣାକୁ ନେଇ ସଚିନ ପାଇଲଟଙ୍କ ବିରୋଧରେ ଟ୍ବିଟ କରି ଅଶୋକ ଚାନ୍ଦନା ଲେଖିଛନ୍ତି, ''72 ଜଣ ଶହୀଦଙ୍କୁ ମାରିବାକୁ ଆଦେଶ ଦେଇଥିବା ତତ୍କାଳୀନ ମନ୍ତ୍ରୀମଣ୍ଡଳ ସଦସ୍ୟ ରାଜେନ୍ଦ୍ର ରାଠୋରଙ୍କ ମଞ୍ଚ ଉପରକୁ ଆସିବାରୁ ତାଳି ପଡିଥିଲା ଏବଂ ଯାହାଙ୍କ ପରିବାର ଲୋକ ଆନ୍ଦୋଳନ କରି ଜେଲ ଯାଇଥିଲେ ତାଙ୍କ ଉପରକୁ ଜୋତା । ଯେଉଁ ମଞ୍ଚ ଉପରେ ଜୋତା ଫିଙ୍ଗା ଯାଇଛି, ସେହି ମଞ୍ଚରେ ଶହୀଦଙ୍କ ପରିବାର ଲୋକ ବସିଥିଲେ । ଅତିକମ୍ରେ ତାଙ୍କ କଥା ତ ଭାବିଥାନ୍ତି ।''