କୋଲକାତା: ପଶ୍ଚିମବଙ୍ଗ ସମେତ 4 ରାଜ୍ୟରେ ଉପନିର୍ବାଚନ ହେବା ନେଇ ଗତକାଲି (ଶନିବାର) ନିର୍ବାଚନ କମିଶନ ତାରିଖ ଘୋଷଣା ପରେ ଆଜି ବଙ୍ଗର ଦୁଇ ଆସନ ପାଇଁ ପ୍ରାର୍ଥୀ ଚୂଡାନ୍ତ କରିଛି ତୃଣମୂଳ କଂଗ୍ରେସ । ଆସନସୋଲ ସଂସଦୀୟ ଆସନରୁ ପୂର୍ବତନ ସାଂସଦ ବାବୁଲ ସୁପ୍ରିୟୋ ପଦରୁ ଇସ୍ତଫା ଦେବା ପରେ ସେଠାରୁ ଅଭିନେତା ଶତ୍ରୁଘ୍ନ ସିହ୍ନାଙ୍କୁ ପ୍ରାର୍ଥୀ କରିଛି ଦଳ । ସେହପିରି ବିଜେପି ଛାଡି ଟିଏମସିରେ ସାମିଲ ହୋଇଥିବା ବାବୁଲ ସୁପ୍ରିୟୋଙ୍କୁ ବାଲିଗଞ୍ଜ ବିଧାନସଭା ନିର୍ବାଚନ କ୍ଷେତ୍ରରୁ ପ୍ରାର୍ଥୀ କରାଯାଇଥିବା ଦଳ ସୁପ୍ରିମୋ ମମତା ବାନାର୍ଜୀ ଟ୍ବିଟ କରି ସୂଚନା ଦେଇଛନ୍ତି।
ବାବୁଲ ପଦରୁ ଇସ୍ତଫା ଦେବା ପରେ ଆସନସୋଲ ସଂସଦୀୟ କ୍ଷେତ୍ର ଖାଲି ପଡିଥିବା ବେଳେ ପଶ୍ଚିମବଙ୍ଗ ସରକାରରେ ମନ୍ତ୍ରୀ ଥିବା ସୁବ୍ରତ ମୁଖାର୍ଜୀଙ୍କ ଦେହାନ୍ତ ପରେ ବାଲିଗଞ୍ଜ ବିଧାନସଭା ନିର୍ବାଚନ ମଣ୍ଡଳୀ ମଧ୍ୟ ଖାଲି ପଡିଥିଲା । ତେବେ ଗତକାଲିି ପଶ୍ଚିମବଙ୍ଗ ସମେତ ମୋଟ 4 ରାଜ୍ୟରେ ଗୋଟିଏ ଲୋକସଭା ଆସନ ଓ 4ଟି ବିଧାନସଭା ଆସନରେ ଉପନିର୍ବାଚନ ପାଇଁ ତାରିଖ ଘୋଷଣା କରିଥିଲେ ନିର୍ବାଚନ କମିଶନ।