ମୁମ୍ବାଇ: ବହୁଚର୍ଚ୍ଚିତ ଡ୍ରଗ୍ସ-କ୍ରୁଜ୍ ମାମଲାରେ ଗିରଫ ହୋଇଥିବା ଅଭିନେତା ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ଆଜି ବମ୍ବେ ଉଚ୍ଚ ନ୍ୟାୟାଳୟରୁ ଜାମିନ ମିଳିଛି । ତେବେ ଜାମିନ ମିଳିବା ପରେ ଶାହରୁଖ ଖାନଙ୍କ ପ୍ରଶଂସକମାନେ ତାଙ୍କ ମୁମ୍ବାଇସ୍ଥିତ ବସଭବନ ମନ୍ନତ ସାମ୍ନାରେ ଏକତ୍ରିତ ହୋଇ ଉତ୍ସବପାଳନ କରିବା ଆରମ୍ଭ କରିଦେଇଥିବା ଦେଖିବାକୁ ମିଳିଛି ।
ଶହଶହ ସଂଖ୍ୟକ ପ୍ରଶଂସକ ହାତରେ ସ୍ବାଗତମ ଆର୍ଯ୍ୟନ ଲେଖା ଥିବ ବ୍ୟାନର ଧରି ଶାହାରୁଖ ଘର ମନ୍ନତ ସାମ୍ନାରେ ଆର୍ଯ୍ୟନଙ୍କ ଆସିବାକୁ ଅପେକ୍ଷା କରିଛନ୍ତି । ପ୍ରଂଶସକମାନେ ଆର୍ଯ୍ୟନଙ୍କ ବେଲକୁ ନେଇ ବେସ ଉତ୍ସାହିତ ଥିବାବେଳେ ତାଙ୍କୁ ସ୍ବାଗତ କରିବାକୁ ଆସିଥିବା ପ୍ରତିକ୍ରିୟାରେ କହିଛନ୍ତି । ସେହିପରି ଶାହାରୁଖଙ୍କ ଅନେକ ସହଯୋଗୀ ଅଭିନେତା ଅଭିନେତ୍ରୀ ମାନେ ଟ୍ବିଟ କରି ଶାହରୁଖଙ୍କୁ ସମର୍ଥନ କରିଥିବା ଦେଖାଯାଇଛି । ଅଭିନେତା ଆର ମାଧବନ, ହ୍ରିତିକ ରୋସନ, ଗାୟକ ମିକା ସିଂ ପ୍ରମୁଖ ଟ୍ବିଟ କରି ସମର୍ଥନ କରିଥିବା ଦେଖିବାକୁ ମିଳିଛି ।
ମୁମ୍ବାଇ ଉପକୂଳରେ ଏକ ବିଳାସମୟ କ୍ରୁଜ୍ ଜାହାଜରେ ଡ୍ରଗ୍ସ ପାର୍ଟି ଚାଲିଥିବା ଅଭିଯୋଗରେ ଶାହରୁଖଙ୍କ ପୁଅ ଆର୍ଯ୍ୟନଙ୍କୁ ଗିରଫ କରିଥିଲା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ।