ଚେନ୍ନାଇ:ଦକ୍ଷିଣ ଭାରତୀୟ ଅଞ୍ଚଳ ତାମିଲନାଡୁରେ ଜଣେ ଯୁବକଙ୍କୁ ଆଉ ଜଣେ ଯୁବକ ହତ୍ୟା କରିଛନ୍ତି (RCB fan murder Mumbai Indians Supporter )। ଏହାପରେ ସୋସିଆଲ ମିଡ଼ିଆରେ ଟ୍ରେଣ୍ଡ କରିବାରେ ଲାଗିଛି ଆରେଷ୍ଟ ବିରାଟ କୋହଲି (Arrest Kohli trending on Social Media ) । ମୃତ୍ୟୁ ଘଟିଥିବା ଯୁବକ ଜଣକ ମୁମ୍ବାଇ ଇଣ୍ଡିଆନ୍ସ (Fan of Mumbai Indians)ର ଫ୍ୟାନ ହୋଇଥିବା ବେଳେ ହତ୍ୟା କରିଥିବା ଯୁବକ ହେଉଛନ୍ତି ରୟାଲ ଚ୍ୟାଲେଞ୍ଜର୍ସ ବାଙ୍ଗୋଲୋରର (RCB) । କ୍ରିକେଟକୁ ନେଇ ଉଭୟଙ୍କ ମଧ୍ୟରେ ବିବାଦ ପରେ ଘଟିଛି ଏହି ହତ୍ୟାକାଣ୍ଡ ।
ମିଳିଥିବା ସୂଚନା ଅନୁସାରେ, ମୃତ ଯୁବକ ଜଣକ ହେଉଛନ୍ତି ଭାରତୀୟ କ୍ରିକେଟର ତଥା ମୁମ୍ବାଇ ଇଣ୍ଡିଆନ୍ସର କ୍ୟାପଟନ ରୋହିତ ଶର୍ମାଙ୍କ ବଡ଼ ପ୍ରଶଂସକ । ଏହି ଯୁବକ ଜଣକ ନିଶାରେ ଆରସିବି ଓ ବିରାଟ କୋହଲିଙ୍କୁ କଟାକ୍ଷ କରିବା ସହ ମଜାକ୍ ଉଡ଼ାଇଥିଲା । ଏଥିରେ ରାଗି ଯାଇ ଆରସିବି ଫ୍ୟାନ୍ ବା ଉକ୍ତ ଯୁବକଙ୍କ ସାଙ୍ଗ ନିଜ ସାଙ୍ଗକୁ ବ୍ୟାଟରେ ମୁଣ୍ଡକୁ ଆଘାତ କରିଥିଲେ । ଏହାପରେ ଉକ୍ତ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକଙ୍କ ବୟସ ୨୧ ବର୍ଷ ବୋଲି ଜଣାପଡ଼ିଛି ।