ଟ୍ରକକୁ ପିଟିଲା କାର୍‌, ଆଖି ବୁଜିଲେ 6 ଜଣ

ଆଗ୍ରା-ଲକ୍ଷ୍ମୌ ଏକ୍ସପ୍ରେସୱେ କନୌଜରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକକୁ କାର ଧକ୍କା ଦେବାରୁ 6 ଜଣଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ...

କନୌଜ: ଲକ୍ଷ୍ନୌ-ଆଗ୍ରା ଏକ୍ସପ୍ରେସୱେରେ ମର୍ମନ୍ତୁଦ ସଡକ ଦୁର୍ଘଟଣା । ଆଜି ସକାଳୁ ଟ୍ରକ ସହ ପିଟି ହେଲା ଦ୍ରୁତ ଗତି ଆସୁଥିବା ଏକ କାର । ଘଟଣାସ୍ଥଳରେ ଆଖି ବୁଜିଲେ 6 ଜଣ । ଦୁର୍ଘଟଣାଟି ଏତେ ଭୟଙ୍କର ଥିବା ଯେ, କାରଟି ସମ୍ପୂର୍ଣ୍ଣ ଚୁରମାର ହୋଇଯାଇଛି । ବହୁ ପରିଶ୍ରମ ପରେ କାର ଭିତରୁ ମୃତଦେହ ବାହାର କରାଯାଇଥିଲା ।

ଦୁର୍ଘଟଣାଟି ତାଲଗ୍ରାମ ଅଞ୍ଚଳରେ ଘଟିଛି । କାରର ସମସ୍ତ ବ୍ୟକ୍ତି ଲକ୍ଷ୍ନୌ ଅଞ୍ଚଳର । ସମସ୍ତେ ଲକ୍ଷ୍ନୌରୁ ବାଲାଜୀ ଦର୍ଶନ କରିବାକୁ ଯାଉଥିଲେ । ସେପଟେ ଦୁର୍ଘଟଣା ବିଷୟରେ ପୋଲିସ ଖବର ପାଇବା ପରେ ମୃତଦେହକୁ ଜବତ କରିଥିଲେ । ସମସ୍ତ ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଛି । ବର୍ତ୍ତମାନ ପୋଲିସ ଦୁର୍ଘଟଣାର ତଦନ୍ତ ଆରମ୍ଭ କରିଛି ।